قازاقستاندا وكپەنى جاساندى جەلدەتۋ اپپاراتى جەتكىلىكتى مە
«قازىرگى تاڭدا ەلىمىزدەگى دەنساۋلىق ساقتاۋ ۇيىمدارىندا 3 مىڭ وكپەنى جاساندى جەلدەتۋ اپپاراتى بار. ولار قاجەتتىلىككە بايلانىستى ينفەكسيالىق نەمەسە جانساقتاۋ بولىمدەرىنە تاراتىلادى. بۇگىنگى كۇنى 167 اپپارات ينفەكسيالىق اۋرۋحانالاردىڭ جانساقتاۋ بولىمدەرىنە بەرىلدى. سونىمەن قاتار مەديتسينالىق بۇيىمدار پاركىن جاڭارتۋ ءۇشىن جالپى رەسپۋبليكادا وكپەنى جاساندى جەلدەتۋگە ارنالعان 879 اپپارات ساتىپ الۋ كوزدەلىپ وتىر»، - دەدى ايجان ەسماعامبەتوۆا و ك ق- دا ونلاين رەجيمدە وتكەن باسپا ءسوز ءماسليحاتىندا.
باس مەملەكەتتىك سانيتار دارىگەر سۇراقتارعا جاۋاپ بەرە وتىرىپ بۇگىندە قازاقستاندا كوروناۆيرۋس جۇقتىرعان 652 مەديتسينالىق قىزمەتكەر بارىن ءمالىم ەتتى.
«پ ت ر- دياگنوستيكا كوروناۆيرۋس ينفەكسياسى ءۇشىن وتە سەزىمتال. تەستتىڭ ناتيجەسى اعزانىڭ بويىنداعى ۆيرۋستىڭ مولشەرىنە بايلانىستى. ناۋقاس ەندى عانا COVID-2019 اۋرۋىنا شالدىققان كەزدە البەتتە، ونىڭ بويىندا كوروناۆيرۋستىڭ مولشەرى وتە از بولادى. ياعني اعزادا ۆيرۋس جەتكىلىكتى دارەجەدە جينالماسا - ءبىز پ ت ر- تەست ارقىلى ونىڭ ۆيرۋستى جۇقتىرماعانى تۋرالى ناتيجە الۋىمىز مۇمكىن. ۆيرۋس كوبەيگەن كەزدە ونىڭ مولشەرى دا ارتا تۇسەدى. وسىدان كەيىن پ ت ر- تەست ارقىلى ونىڭ بويىندا شىنىندا دا كوروناۆيرۋستىڭ بارىن انىقتاي الامىز. بۇكىل الەمدە وسىلاي. بىزدە دە كەزدەسەدى. ءاۋ باستا ۆيرۋستى جۇقتىرماعانى تۋرالى ناتيجە ەكىنشى رەت تەست الىنعاندا وزگەرۋى مۇمكىن»، - دەدى ول.
اۆتور: ايان بەكەن ۇلى
