ساياسي پارتيالاردى قۇرۋ ءتارتىبى جەڭىلدەيدى - ادىلەت ءمينيسترى
«ساياسي پارتيالار تۋرالى» زاڭىنا وزگەرىس پەن تولىقتىرۋلار ەنگىزۋ تۋرالى» زاڭ جوباسى پرەزيدەنتتىڭ ۇلتتىق قوعامدىق سەنىم كەڭەسىنىڭ ەكىنشى وتىرىسىندا بەرگەن تاپسىرماسىن ىسكە اسىرۋ ماقساتىندا ازىرلەندى. زاڭ جوباسىمەن ساياسي پارتيالاردى قۇرۋ ءۇشىن تىركەۋ تالابىن 40 مىڭنان 20 مىڭ ادامعا دەيىن تومەندەتۋ ۇسىنىلادى. بۇل ۇسىنىس ساياسي پارتيالاردى قۇرۋ ءتارتىبىن جەڭىلدەتەدى، سونداي-اق مەملەكەتتىك شەشىمدەردى ازىرلەۋ جانە قابىلداۋ پروتسەستەرىنە وڭ اسەرىن تيگىزەدى»، - دەدى ادىلەت ءمينيسترى مارات بەكەتايەۆ.
بۇعان قوسا، زاڭ جوباسىمەن پارتيالىق سايلاۋ تىزىمدەرىندە ايەلدەر مەن جاستار ءۇشىن كەمىندە وتىز پايىز مولشەرىندە كۆوتا ەنگىزۋ تۋرالى تۇزەتۋ بار. بۇل ماجىلىستە قارالعان قارالعان سايلاۋ تۋرالى كونستيتۋتسيالىق زاڭ جوباسىنىڭ ەرەجەلەرىن ىسكە اسىرۋعا باعىتتالعان.
«ۇسىنىلىپ وتىرعان زاڭ جوبالار ءار ءتۇرلى الاڭداردا ماقساتتى توپتارمەن قارالدى. اتاپ ايتقاندا، زاڭ جوبالار ۇلتتىق قوعامدىق سەنىم كەڭەسىنىڭ جەكەلەگەن مۇشەلەرىمەن، جاستارمەن جانە ساياسي پارتيالاردىڭ وكىلدەرىمەن كەڭىنەن تالقىلاندى. جالپى، وسى زاڭنامالىق باستامالار ايەلدەر مەن جاستاردى قوعامنىڭ ساياسي ومىرىنە بەلسەنە قاتىسۋعا، سونداي-اق كوپپارتيالىق جۇيەنى ودان ءارى قالىپتاستىرۋعا وڭ ىقپالىن تيگىزەتىن بولادى»، - دەدى مينيستر.
ءوز كەزەگىندە ءماجىلىس ءتوراعاسى نۇرلان نىعماتۋلين اتالعان زاڭ جوباسىنا قاتىستى پىكىر ءبىلدىردى.
«ەلىمىزدىڭ ساياسي باعىتىن جاڭعىرتۋ جولىندا تاعى ءبىر ناقتى قادام جاسالدى دەۋگە بولادى. بۇگىنگى ماقۇلدانعان زاڭ جوبالارىنا مەملەكەت باسشىسى قاسىم-جومارت كەمەل ۇلىنىڭ تاپسىرماسىنا سايكەس، كوپتەگەن ماڭىزدى وزگەرىستەر ەنگىزىلدى. ەندى، ساياسي پارتيانى تىركەۋ ءۇشىن قاجەتتى مۇشەلەر سانى 40 مىڭنان 20 مىڭعا دەيىن قىسقاراتىن بولادى. سونىمەن بىرگە، پارتيالاردىڭ سايلاۋ تىزىمىندە ەندى ايەلدەر مەن جاستار ءۇشىن 30 پايىز مىندەتتى كۆوتا قارالادى. وسىنىڭ بارلىعى ەلىمىزدىڭ ساياسي- قوعامدىق ءومىرى ءۇشىن ماڭىزدى وزگەرىستەر بولىپ سانالادى»، - دەدى ءماجىلىس ءتوراعاسى.
اۆتور: رۋسلان عابباسوۆ
