حالىق قاۋىپسىزدىك تالاپتارىن ساقتاپ ۇيرەنبەسە، كارانتين سوزىلا بەرەدى - ءبىرتانوۆ
«البەتتە، ءبارى دە اۋرۋدىڭ تارالۋ احۋالىنا بايلانىستى. ۆيرۋستىڭ تارالۋىن توقتاتۋدىڭ ءبىر عانا امالى - بۇرىنعىشا بايلانىستى ازايتۋ. ادامدار قاۋىپسىزدىكتى ساقتاپ ۇيرەنبەي، بۇكىل ەل ۇكىمەتتەرىنە قاتاڭ شارانى جالعاستىرۋعا تۋرا كەلەدى. سول سەبەپتى بۇل جاعداي ۋاقىتتى تالاپ ەتەتىندىكتەن، كارانتين مامىر ايىندا دا سوزىلۋى مۇمكىن»، - دەدى ەلجان ءبىرتانوۆ تەنگرينيۋس Instagram پاراقشاسىنىڭ تىكەلەي ەفيرىندە.
ءمينيستردىڭ ەسەپتەۋىنشە، قاۋىپسىزدىكتى ساقتاماسا مامىر ايىنداعى احۋال ءتىپتى قيىنداپ كەتۋى ابدەن ىقتيمال. «ءبىزدىڭ ويىمىزشا، مامىر ءالى دە قاۋىپتى كەزەڭ سانالادى»، - دەدى ول. ەلجان ءبىرتانوۆ ەلدەگى كوروناۆيرۋس قاۋپى سەيىلمەي ءبىرقاتار شەكتەۋلەر كۇشىندە قالا بەرەتىنىن جەتكىزدى.
اۆتور: ايان بەكەن ۇلى
