مەيرامبەك بەسبايەۆ: كينوعا بىرگە تۇسكەن قىزدى ىزدەپ ارەڭ تاپتىم
مەيرامبەك بەسبايەۆ بالالىق شاعىنان باستاپ، بۇگىنگى كۇنگە دەيىنگى جاڭالىقتارىن ءبولىستى. «بوزتورعاي» ءانىن شىرقاپ جۇرگەن بالا مەيرامبەك التىنبەك قورازبايەۆپەن قالاي تانىستى؟ كينوعا قالاي ءتۇستى؟ مۋزارت قالاي قۇرىلدى؟ سۇحبات وسى جايىندا بولدى.
«مەن بالا كۇنىمدە دومبىرمەن ءان سالىپ، بايقاۋدا ونەرىمدى كورسەتتىم. التىنبەك كوكەم سول جەردە ءادىلقازى قاتارىندا بولدى. ماعان سودا كوزى ءتۇسىپ، كەيىن مەنى الىپ كەتتى»، - دەپ باستادى ءانشى اڭگىمەسىن.
التىنبەك قورازبايەۆ بالا مەيرامبەكتى تەك ءان ايتقىزىپ قويماي، ءاندى ساناسىنان وتكىزىپ، ءتۇسىنىپ ايتۋدىڭ جولىن ىزدەگەن.
«بوزتورعاي» ءانىن ايتار الدىندا مەنى كوكەم جەتىمدەر ۇيىنە اپاردى. نەبىر بالالارمەن تانىستىردى. بۇلار دا سەن سەكىلدى بالالار. ءبىراق اتا- اناسى جوق. بالالىق شاعى وسىندا وتەدى. جەتىم بالالار دەپ جاعدايىن ايتتى. مەنىڭ جۇرەگىم اۋىردى. اندە وسىنداي بالالاردىڭ تاعدىرى ايتىلعان دەپ ۇعىندىردى. مەن ءاننىڭ نە تۋرالى ەكەنىن بىلگەن سوڭ ءتۇسىنىپ شىرقادىم. سودان بولار جۇرەكتەرگە جەتتى. مەنىڭ سونشالىق ءاندى سەزىنىپ شىرقاعانىمدى ەل سونشالىق جاقىن قابىلدادى. مەنىڭ ءوزىمدى جەتىم بالا ەكەن دەپ جاتتى. التىنبەك كوكەم ءاندى جاتتاتقىزىپ، ايتقىزا سالسا دا بولار ەدى، ءبىراق ويتپەدى. مەن ءتۇسىنۋ ءۇشىن كوزىممەن كورسەتتى. ول كەزدە جەتىم جايلى، قارتتار ءۇيى جايلى ايتۋعا بولمايتىن. ءبىراق سوعان قاراماستان جەتىمنىڭ جايىن قوزعاعان كوكەمنىڭ ارەكەتىن مەن ەرلىككە بالار ەدىم«، - دەدى ءانشى اعىنان جارىلا.
مەيرامبەك «بوزتورعاي« ءانىن كەيىن مۇلدە ورىنداماي كەتتى. سويتسەك ونىڭ دا ءوز سەبەبى بار ەكەن.
«ءان مەنىڭ بالا داۋسىممەن ايتىلىپ، ەلدىڭ ەسىندى سول داۋىسپەن قالدى. كەيىن دە ورىنداپ جۇرگەن بولار ەدى. ءبىراق جاسءوسپىرىم شاقتا ەر بالالاردىڭ داۋسى وزگەرەدى. مەنىڭ دە داۋسىم وزگەردى. ول ءان بالا داۋىسپەن جاقسى شىقتى. سوندىقتان ءاندى قۇرتقىم كەلمەدى«، - دەدى مەيرامبەك بەسبايەۆ.
ءانشى «قوشتاسقىم كەلمەيدى« فيلمىنە بىرگە تۇسكەن اكتريسامەن بۇگىندە ارالاسپايدى ەكەن.
«نازيرامەن ارالاسپاي كەتتىك. مەن ونى باسىندا ىزدەپ تاپپادىم، كەيىن تاپتىم. ول اقان ساتايەۆتىڭ جارى ەكەن. سالەم ايتتىم. ول كەزدەر كەرەمەت كەزدەر ەدى عوي. ەسكە الاتىن اياۋلى ساتتەر«، - دەدى ءانشى.
ال، بۇگىندە مۋزارت توبى 20 جىلدىق مەرەيتويعا دايىندالىپ جاتىر.
