داريعا نازاربايەۆا: پاسحا ءدىن جولىنداعى ميلليونداعان جاندى بىرىكتىرەدى
«قۇرمەتتى قازاقستاندىقتار! جارقىن حريستوس مەرەكەسىن اتاپ وتەتىن بارشا قازاقستاندىقتاردى، پراۆوسلاۆ حريستياندارىن شىن جۇرەكتەن قۇتتىقتايمىن! ۇلى پاسحا مەرەكەسى ءدىن جولىنداعى ميلليونداعان جانداردى بىرىكتىرەدى، ولاردىڭ مىڭجىلدىق داستۇرلەرىن پاش ەتىپ، ادامداردىڭ جۇرەكتەرىن قۋانىش پەن ۇمىتكە، جارقىن ومىرگە دەگەن سەنىم مەن سۇيىسپەنشىلىككە تولتىرادى، يگى ىستەر مەن ىزگى نيەتتەرگە رۋحتاندىرادى. بۇگىنگى تاڭدا قازاقستاننىڭ پراۆوسلاۆيە شىركەۋى كونفەسسياارالىق جانە ءدىنارالىق كەلىسىمدى نىعايتۋعا، بۇكىل قازاقستاندىق قوعامدا بىرلىك، تۇراقتىلىق پەن تۇتاستىق ساقتاۋعا زور ۇلەس قوسىپ كەلەدى. وسىنداي اۋقىمدى ءارى سان قىرلى ىستەر اسا ماڭىزدى جانە شەكسىز قۇرمەتكە لايىق. وسى جارقىن كۇندە سىزدەرگە مىقتى دەنساۋلىق، باقىت پەن اماندىق تىلەيمىن. شاڭىراقتارىڭىزدا بەيبىتشىلىك پەن تىنىشتىق بولسىن!»، - دەلىنگەن قۇتتىقتۋدا.
