كارانتين كەزىندە «سەرگەك» بويىنشا ايىپپۇل قالاي سالىناتىنى ءتۇسىندىرىلدى
«پوليتسەيلەر توقتاتۋ كەزىندە «سەرگەك-كۇزەت» بازاسىنا جۇرگىزۋشى مەن كولىك دەرەكتەرىن: ج س ن، كولىكتىڭ مەملەكەتتىك ءنومىرىن جانە جۇرگىزۋشىنىڭ ايتۋى بويىنشا ناقتى تۇرعىلىقتى جەرى مەن جۇمىس ورنىن ەنگىزەدى. تەكسەرۋ قورىتىندىسى بويىنشا نەگىزسىز جولعا شىققان جاعدايدا (ازىق-تۇلىك پەن ءدارى-دارمەكتەر ساتىپ الۋعا بارۋدى قوسپاعاندا، بەكىتىلگەن باعداردى نەگىزسىز بۇزۋ) ءتارتىپ بۇزۋشىلارعا ءبىر رەت ەسكەرتۋ جاسالادى. ەگەر جۇرگىزۋشى ەكىنشى رەت ءتارتىپ بۇزعان بولسا، وندا نۇر-سۇلتان قالالىق مامانداندىرىلعان اۋدانارالىق اكىمشىلىك سوتىنىڭ شەشىمىنە سايكەس 10 ا ە ك ايىپپۇلدان باستاپ، 15 تاۋلىككە دەيىن اكىمشىلىك قاماۋعا الىنۋى مۇمكىن. قازىرگى ۋاقىتتا پوليتسيا بازاداعى تج كەزىندە جاسالعان قۇقىق بۇزۋشىلىقتاردى ساناپ جاتىر، كۇن سايىن «جۇمىس - ءۇي» قاعيداتى بويىنشا اۆتوكولىك جۇرگىزۋشىلەرىنىڭ دەرەكتەرى ەنگىزىلۋدە»، - دەلىنگەن اقپاراتتا.
