الداعى اپتادا جۇمىسىن باستايتىن كاسىپكەرلىك سۋبەكتىلەرىنىڭ قىزمەتىن كىمدەر پايدالانادى؟
قالا اكىمدىگى باسپا ءسوز ورتالىعىنداعى ونلاين باسپا ءسوز ءماسليحاتىندا 20- ساۋىردەن باستاپ جۇمىسىن جالعاستىراتىن كاسىپورىندار مەن قىزمەت كورسەتۋ ورىندارىنا كىمدەر بارا الاتىندىعى تۋرالى ساۋال جولداندى.
«قازىرگى كەزدە حالىق كارانتيندە. اۆتوكولىك سالونى، كولىك جۋۋ، حيميالىق تازالاۋ سياقتى اشىلاتىن قىزمەت كورسەتۋ نىساندارىنا تۇرعىندار قالاي بارادى. كارانتين كەزىندە ادامداردىڭ قوزعالىسىنا شەكتەۋ ەنگىزىلگەن. وسى ورايدا اتالعان قىزمەت كورسەتۋ ورىندارىنا بارۋ ءتارتىبى قانداي؟»، - دەگەن سۇراق قويىلدى.
ءوز كەزەگىندە ەلوردانىڭ ينۆەستيتسيالار جانە كاسىپكەرلىكتى دامىتۋ باسقارماسىنىڭ باسشىسى ەرلان بەكمۋرزايەۆ اتالعان قىزمەتتەردى كىمدەر پايدالاناتىنىن ءتۇسىندىردى.
«كارانتيننىڭ باستى ماقساتى - ول كوروناۆيرۋس ينفەكتسياسىنىڭ تارالۋىنا جول بەرمەۋ. سوندىقتان جۇمىسىن جالعاستىراتىن مەكەمەلەردىڭ قىزمەتكەرلەرى، قۇرىلىس سالاسىنداعىلار، تاكسي، جەدەل جاردەم وكىلدەرى اتالعان قىزمەتتەردى پايدالانا الادى»، - دەدى باسقارما باسشىسى.
ەسكە سالا كەتەيىك، ق ر پرەزيدەنتى ق. توقايەۆتىڭ تاپسىرماسىن جۇزەگە اسىرۋ اياسىندا مەملەكەتتىك كوميسسيا بيىلعى 20- ساۋىردەن باستاپ قاتاڭ سانيتارلىق-ەپيدەميولوگيالىق شارالاردى ساقتاي وتىرىپ، نۇر-سۇلتان جانە الماتى قالالارىندا جۇمىسىن قايتا باستايتىن كاسىپكەرلىك سۋبەكتىلەرىنىڭ قىزمەت تۇرلەرىنىڭ ءتىزىمىن بەكىتتى.
وسى ورايدا 20- ساۋىردەن باستاپ ەلوردادا قانداي كاسىپكەرلىك سۋبەكتىلەرىنىڭ جۇمىسى جانداناتىنى ايتىلدى. ولاردىڭ قاتارىندا: ونەركاسىپتىك، وندىرىستىك كاسىپورىندار؛ قۇرىلىس سالاسى (قۇرىلىس ماتەريالدارىن ءوندىرۋ جانە تاسىمالداۋ، ونىڭ ىشىندە جولداردى سالۋ مەن جوندەۋمەن اينالىساتىن كومپانيالار)؛ سانيتارلىق-ەپيدەميولوگيالىق تالاپتاردى كۇشەيتە وتىرىپ، ءىرى قۇرىلىس دۇكەندەرى؛ كولىك، قويمادا ساقتاۋ، اۋىل شارۋاشىلىعى سالاسىنا قىزمەت كورسەتۋ كومپانيالارى؛ اۆتوكولىك سالوندارى، اۆتوبولشەكتەر ساتاتىن دۇكەندەر جانە قىزمەت كورسەتۋ ستانتسيالارى (ۆۋلكانيزاتسيا، كولىك جۋۋ)؛ حيميالىق تازالاۋ، كىر جۋۋ قىزمەتى؛ ورگتەحنيكانى جوندەۋ.
وسى اتالعان سالالار ءۇشىن جۇمىس كەستەسى ساعات 9:00 دەن 18:00 گە دەيىن بەكىتىلدى.
مەيرامحانالار مەن ءدامحانالاردىڭ ونلاين-تاپسىرىس بويىنشا ساعات 22:00 گە دەيىن جۇمىسىن جالعاستىرادى.
سونىمەن قاتار، ەكىنشى دارەجەلى بانكتەر ساعات 9:00 دەن 16:00 گە دەيىن جۇمىس ىستەيتىن بولادى. قىزمەتكەرلەردىڭ جالپى سانى %50 اسپاۋى كەرەك. ال نوتاريۋستار الدىن الا جازىلۋ ارقىلى جۇمىسىن جالعاستىرادى.
