شاعىم فيلم:كارانتين اۋماعىنداعى ەرىكتىلەر

جاس ۆولونتەر ەل تاعدىرىنان ءوز تاعدىرىن ءبولىپ قارامايتىنىن جەتكىزدى. «ءبىز تاۋلىك بويى جۇمىس ىستەيمىز. سەبەبى مەديتسينالىق پەرسونال جەتىسپەيدى. ۆولونتەرلەردى جيناپ جاتقانىن دارىگەر قىزمەتىندەگى اعامنان ەستىدىم. الايدا اعام مەنى الا قويمايتىنىن، مەديتسينالىق ءبىلىمى بار ازاماتتار قوسىلا الاتىنىن جەتكىزدى. كوپ ويلانعان جوقپىن: تاپقان تەلەفون نومىرىنە حابارلاسىپ، كوپكە كومەكتەسكىم كەلەتىنىن ايتىپ، ايتەۋىر تۇسىندىرگەندەي بولدىم. قيىندىق بۇكىل ەلدىڭ باسىنا تۇسكەننەن كەيىن وسىنداي شەشىم قابىلداپ وتىرمىن. ەل تاعدىرىنان ءوزىمدى ءبولىپ قاراي المايمىن. مەديتسينالىق ۇيىمداردا جۇمىس ىستەۋ تاجىريبەم بارىن دالەلدەگەننەن كەيىن ۆولونتەرلىك قىزمەتىمدى جالعاستىرىپ كەتتىم» ، - دەيدى سەيىلحان مۇسايەۆ «كارانتين اۋماعى. ۆولونتەرلار» اتتى شاعىم فيلمدە. سەيىلحاننىڭ اناسى جانار بايانوۆا كەنجە ۇلىنىڭ شەشىمىنە ءاۋ باستا قارسى بولعان ەكەن.

«« ۇلىم مەن قازىر ءوسىپ- جەتىلگەن اداممىن. ەلگە كومەكتەسۋىم كەرەك» دەدى. ۇلىمنىڭ شەشىمىن سىيلايمىن. بالكىم مۇمكىندىك بولسا مەن دە ۆولونتەر بولار ما ەدىم» ، - دەيدى ول. كوروناۆيرۋس جۇقتىرعان ازاماتتارمەن بايلانىستا بولعانداردى قابىلداپ، وقشاۋلايتىن ەمحانا سيپاتىندا جاساقتالعان «رامادا» قوناق ۇيىندە قازىر 300 گە تارتا ادام جاتىر. مەديتسينالىق قىزمەتكەرلەرگە ۆولونتەرلەر تاۋلىك بويى كومەكتەسەدى. ەسكە سالا كەتسەك، بۇگىن ق ر پرەزيدەنتى تەلەراديوكەشەنى «كارانتين اۋماعى. ۆولونتەرلەر» اتتى شاعىن فيلمدى جاريالاعان بولاتىن. شاعىن فيلمدە كوروناۆيرۋس جۇقتىرعان ازاماتتارمەن بايلانىستا بولعانداردى قابىلداپ، وقشاۋلايتىن ەمحانا سيپاتىندا جاساقتالعان «رامادا» قوناق ۇيىندەگى ەكسكليۋزيۆتى كادرلار بەينەلەنگەن. مەديتسينالىق قىزمەتكەرلەرمەن بىرگە جۇزدەگەن ۆولونتەر تاۋلىك بويى وقشاۋلانعان ازاماتتاردى باقىلاپ، ولارعا قىزمەت كورسەتىپ كەلەدى. ۆولونتەرلەر ەمحانادا جابىق رەجيمدە ءومىر سۇرەدى. قوناق ءۇي اۋماعىنان تەك مەديتسينالىق قىزمەتكەرلەرمەن بىرگە كەتە الادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى