كارانتين شارالارىن تاعى ءۇش اپتاعا ۇزارتتى

بريتانيادا 26-ناۋرىزدا جاريالانعان كارانتين رەجيمى مامىر ايىنىڭ باسىنا دەيىن ۇزارتىلادى. دەگەنمەن، ەل ۇكىمەتى شەكتەۋ شارالارىن توقتاتۋ تۋرالى تۇپكىلىكتى شەشىمدى ۆيرۋستىڭ تارالۋ قاۋپى جوقتىعىنا كوز جەتكىزگەننەن كەيىن عانا قابىلداماق.

جاقىندا بريتان اۋرۋحانالارىندا پاندەميانىڭ سالدارىنان 861 ادام كوز جۇمدى. ءولىم-ءجىتىمنىڭ جالپى سانى 13729 عا جەتتى. بۇعان دەيىن حابارلاعانىمىزداي، 17-ءساۋىر ساعات 09.00-دەگى جاعداي بويىنشا، ۇلى بريتانيادا ناۋقاستاردىڭ جالپى سانى 103093 بولدى. 323 ادام ىندەتتەن ايىقتى. الەمدە كوروناۆيرۋسقا 2,2 ميلليونعا جۋىق ادام شالدىقتى.

ايتا كەتەيىك، 10-ساۋىردەن بەرى بىرنەشە مەملەكەت پاندەمياعا قاتىستى ەنگىزىلگەن شەكتەۋلەردى جۇمسارتۋ نە سوزۋ بويىنشا شەشىمدەر قابىلدادى.

ماسەلەن، يتاليا ۇكىمەتى كوروناۆيرۋستىڭ تارالۋىن شەكتەۋ ءۇشىن قابىلدانعان شارالاردى 3-مامىرعا دەيىن ۇزارتاتىنى ءمالىم ەتىلدى. تۇركيا 31 پروۆينتسيادا 48 ساعاتقا كومەندانتتىق ساعات ەنگىزدى. 13-ءساۋىر كۇنى يسپانيا ۇكىمەتى 27-ناۋرىزدا ەنگىزىلگەن كەي شەكتەۋلەردى الىپ تاستادى.

ال فرانسيا كەرىسىنشە، كوروناۆيرۋسقا بايلانىستى ەنگىزىلگەن قاتاڭ رەجيمدى 11-مامىرعا دەيىن ۇزارتتى. كۇنى كەشە عانا جاپونيا پاندەمياعا بايلانىستى ەل بويىنشا توتەنشە جاعداي رەجيمىن ەنگىزەتىنى جاريالاندى.

گەرمانيا بيلىگى بولسا، 20-ساۋىردەن باستاپ الەۋمەتتىك قاشىقتىقتىڭ بارلىق شارالارىن ساقتاي وتىرىپ، كەيبىر مەكەمەلەردىڭ جۇمىسىن قايتا جانداندىرماق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى