ەلوردادا كارانتينگە الىنعان اۋماق دەزينفەكتسيالاندى

دەزينفەكتسيا جۇمىسىنا اسكەري قىزمەتشىلەر قاتىستى. كارانتيندىك اۋماق تولىعىمەن قامتىلدى، دەزينفەكتسيا جۇمىستارى جالعاسادى.

اۋماقتا ورنالاسقان 9 ءۇي كارانتينگە جابىلعان. ع. مۇسىرەپوۆا كوشەسى 4، 7، 7/1 ءۇي، ق. رىسقۇلبەكوۆا كوشەسى 4/1، 4/3، 16/1، 8ا- ءۇي، ع. مۇستافين كوشەسى 21، 21/5- ءۇي.

بۇل ۇيلەردىڭ تۇرعىندارىنا جاقىن ماڭداعى ازىق-تۇلىك دۇكەنىنە بارۋىنا عانا بولادى. قالعان جاعدايدا ۇيدەن شىعۋعا قاتاڭ تىيىم سالىنادى. ءدارى- دارمەكتى تەك تاپسىرىسپەن الۋعا بولادى.

پەريمەتر بويىنشا قورشاۋ بەلگىلەرى ورناتىلدى، پوليتسيا كەزەكشىلىك اتقارىپ جاتىر.

ەلوردادا دەزينفەكتسيا جۇمىستارى كۇن سايىن جۇرگىزىلىپ جاتىر. 2800 دەن استام تۇرعىن ءۇي ءۇشىنشى رەت دەزينفەكتسيادان ءوتىپ جاتىر. كۇن سايىن وڭدەۋ جۇمىسىنا شامامەن 500 ادام شىعادى. دەزينفەكتسيا ەرىتىندىسىمەن قالانىڭ بارلىق بازارلارى، مەديتسينالىق مەكەمەلەرى، ساۋدا ورتالىقتارى، سۋپەرماركەتتەر، وتكىزۋ-باقىلاۋ بەكەتتەرى جانە باسقا دا ادام كوپ جينالاتىن ورىندار وڭدەلۋدە.

ەسكە سالا كەتسەك، ەلوردىڭ باس مەملەكەتتىك سانيتارلىق دارىگەرى سارقىت بەيسەنوۆانىڭ قاۋلىسىمەن ابىلاي حان-رىسقۇلبەكوۆ-مۇسىرەپوۆ-مۇستافين كوشەلەرىنىڭ كۆادراتىندا شەكتەۋ شارالارى ەنگىزىلگەن بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى