توتەنشە جاعداي ەكونوميكاعا قالاي اسەر ەتتى - داۋرەن ابايەۆ پىكىرى

«كارانتيندىك شارالار ءبىزدىڭ عانا ەمەس، الەم ەكونوميكاسىنا وزگەرتۋلەر ەنگىزدى. قازىردىڭ وزىندە ءبىزدىڭ بيۋدجەتىمىزگە پاندەميا ىقپالى سەزىلدى. ارينە، الداعى ۋاقىتتا دا نەگاتيۆتى فاكتورلارعا تاپ بولارىمىزدى جوققا شىعارمايمىز. ۇكىمەت وعان دايىن» ، - دەپ اتاپ ءوتتى مينيستر «حابار» ارناسىنداعى «اشىق ديالوگ» باعدارلاماسىندا.

ءبىراق، مينيستر 2020 -جىلدىڭ العاشقى توقسانىندا ەكونوميكانىڭ بازالىق سەكتورلارىندا ءوسىم بايقالعانىن جەتكىزدى. «ماسەلەن، اۋىل شارۋاشىلىعىندا، ونەركاسىپتە، قۇرىلىستا ءوسىم بار، ءتىپتى ينۆەستيتسيالار دا ارتقان. مۇنىڭ بارلىعى كوڭىلگە قۋانىش ۇيالاتادى. مۇنداي بەكەمدىك زاپاسى يندۋستريالاندىرۋ باعدارلاماسىنىڭ ارقاسىندا قۇرىلدى. حيميالىق ونەركاسىپتە ءوندىرىس كولەمى ەكى ەسەگە ارتتى. فارميندۋستريا مەن جەڭىل ونەركاسىپ تە ارتىپ كەلەدى» ، - دەدى ول. ناقتى مىسال رەتىندە مينيستر پەتەربۋرگ زاۋىتىمەن بىرلەسىپ، تانىمال «كيروۆەتس» تراكتورىنىڭ ءوندىرىسى باستالعانىن كورسەتتى. «كامازبەن» بىرلەسكەن كاسىپورىن اشۋ جوسپارلانىپ وتىر. ماشينا قۇراستىرۋ بويىنشا ءبىز ورتالىق ازيادا العاش رەت 500 مەگاۆاتتقا دەيىن جەتەتىن اسا قۋاتتى ترانسفورماتور ءوندىرۋدى يگەردىك. 500 مەگاۆاتتپەن قازاقستانداعى ورتاشا وبلىس ورتالىعىن ەلەكتر ەنەرگياسىمەن قامتۋعا بولادى» ، - دەدى د. ابايەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى