كوروناۆيرۋستان ەمدەلۋ ءۇشىن قانداي ءدارى ىشپەگەن ءجون – د د س ۇ كەڭەسى
دۇنيەجۇزىلىك دەنساۋلىق ساقتاۋ ۇيىمى كوروناۆيرۋستان ەمدەلۋ ءۇشىن پاراتسەتامول ىشكەن دۇرىس دەپ كەڭەس بەرەدى. بۇل تۋرالى د د س ۇ باسپا ءسوز حاتشىسى كريستيان ليندمايەر مالىمدەدى، دەپ حابارلايدى ريا نوۆوستي.
د د س ۇ سونداي-اق، جۇقپالى اۋرۋدى ەمدەۋ ءۇشىن يبۋپروفەن ءدارىسى مەن قۇرامىندا يبۋپروفەن بار وزگە دە پرەپاراتتاردى قولدانۋدىڭ قاۋىپتى ەكەنىن اتاپ ءوتتى.
«يبۋپروفەننىڭ ءولىم قاۋپىن ارتتىراتىنى تۋرالى جاڭا دەرەكتەر جاريالانعان جوق. زەرتتەۋ جۇمىستارى ءالى دە جەتكىلىكسىز بولۋدا، سوندىقتان ساراپشىلار ءتيىستى دەرەكتەردى زەرتتەپ جاتىر. ءبىز قازىرشە تەك پاراتسەتامولدى عانا پايدالانعان ءجون دەپ كەڭەس بەرەر ەدىك، ال ءوزىن-ءوزى ەمدەۋگە يبۋپروفەندى قولدانباعان دۇرىس»، - دەدى ول.
ليندمايەردىڭ ايتۋىنشا، يبۋپروفەندى ەگەر مەديتسينالىق كورسەتكىشتەرى بويىنشا قاجەت دەپ تاپسا، دارىگەردىڭ تاعايىنداۋىمەن عانا قابىلداۋعا بولادى.
سونداي-اق، يتاليادا كوروناۆيرۋسپەن اۋىرعانداردى ەمدەۋ كەزىندە ادەتتە رەۆماتويدتى ارتريتتى ەمدەۋدە قولدانىلاتىن دارىلەردىڭ جاقسى كومەكتەسەتىنى بەلگىلى بولعان.
«قازىرگى ۋاقىتتا Sars-CoV-2 كوروناۆيرۋسىنا قارسى ەشقانداي ءدارى دە، ۆاكسينا دا جوق، الايدا رەۆماتويدتى ارتريت پەن قاتەرلى ىسىكتى ەمدەۋ كەزىندە قولدانىلاتىن دارىلەر Covid-19 ۆيرۋسى تۋىنداتاتىن پنيەۆمونيانىڭ اۋىر ءتۇرىن ەمدەۋدە ءوز تيىمدىلىگىن كورسەتىپ وتىر»، - دەدى ول.
