سايرامداعى ءدامحانادان قىزىل كىتاپقا ەنگىزىلگەن ۇكى تابىلدى
سايرام ا پ ب-نىڭ تابيعاتتى قورعاۋ پوليتسيا توبىنىڭ ينسپەكتورى پوليتسيا اعا لەيتەنانتى م. بوتابەك جانە اكىمشىلىك پوليتسيا ءبولىمىنىڭ ينسپەكتورى پوليتسيا اعا لەيتەنانتى م. قۋاندىقوۆ ەكولوگيالىق قىلمىستاردىڭ الدىن الۋ جونىندەگى جەدەل- پروفيلاكتيكالىق ءىس- شارالار جۇرگىزۋ بارىسىندا مانكەنت اۋىلىندا ورنالاسقان كافەلەردىڭ ءبىرىنىڭ اۋلاسىنان اسىراۋعا تىيىم سالىنعان ۇلكەن ۇكىنى انىقتادى.
اتالعان جايت ق ر ق ك-نىڭ 339-بابى «سيرەك كەزدەسەتىن جانە قۇرىپ كەتۋ قاۋپى تونگەن، سونداي-اق پايدالانۋعا تىيىم سالىنعان وسىمدىكتەر مەن جانۋارلار تۇرلەرىن، ولاردىڭ بولىكتەرىن نەمەسە دەريۆاتتارىن زاڭسىز پايدالانۋ» بويىنشا تىركەلىپ، سوتقا دەيىنگى تەرگەۋ امالدارى جۇرگىزىلۋدە. ايعاقتى زات رەتىندە الىنعان قۇس ق ر « قىزىل كىتابىنا» ەنگىزىلگەن «فيلين- ۇكىسى» بولىپ شىقتى.
ول شىمكەنت قالاسىنىڭ حايۋاناتتار باعىنا جىبەرىلدى. ءتارتىپ ساقشىلارى كۇدىكتى تۇرعىننىڭ «قىزىل كىتاپقا» ەنگەن قۇستى قانداي ماقساتتا ۇستاعانىن انىقتاۋدا. سونداي-اق تەرگەۋ بارىسىندا تۇرعىن بۇل قۇستى 2015 -جىلدان بەرى اسىراپ كەلە جاتقانىن جەتكىزگەن.
«تۇركىستان وبلىسىنىڭ پوليتسيا قىزمەتكەرلەرى ازاماتتارعا ق ر «قىزىل كىتابىنا» ەنگىزىلگەن سيرەك كەزدەسەتىن جانۋارلارمەن زاڭسىز بايلانىس جاساپ، ۇستاعاندار 3 مىڭ ا ە ك دەيىنگى ايىپپۇل نەمەسە 3 جىلعا دەيىنگى مەرزىمگە باس بوستاندىعىنان شەكتەۋ نەمەسە ايىرۋ تۇرىندەگى قىلمىستىق جاۋاپكەرشىلىك قاراستىرىلعانىن ەسكەرتەدى»، دەلىنگەن باسپا ءسوز قىزمەتىنىڭ حابارلاماسىندا.
