كوروناۆيرۋس: وڭىرلەردە انىقتالعان جاڭا وقيعالار تۋرالى مالىمەت
16-ءساۋىر، ساعات 10.10-داعى جاعداي بويىنشا، قازاقستاندا ىندەتكە شالدىققاندار سانى 1331 گە جەتتى. ونىڭ ىشىندە قىزىلوردا وبلىسىندا - 4، ماڭعىستاۋ وبلىسىندا - 1، جانە قاراعاندى وبلىسىندا - 2، پاۆلودار وبلىسىندا 2 جاعداي تىركەلدى. قىزىلوردا وبلىسىندا 4 ناۋقاستىڭ بارلىعى ءوڭىر ورتالىعىندا انىقتالدى. «اۋرۋ جۇقتىرعانداردىڭ ەكەۋى 40 جاستان اسقان ايەل ادامدار، قالعان ەكەۋى 24 جانە 54 جاستاعى ەر ادامدار. ولاردىڭ بارلىعى كوروناۆيرۋسقا شالدىققان ادامدارمەن بايلانىستا بولعان. سىنامالار الىنىپ، پ ت ر دياگنوستيكالىق زەرتتەۋ ناتيجەلەرى بويىنشا COVID-19 دياگنوزى راستالدى. قازىرگى تاڭدا ناۋقاستارمەن قارىم- قاتىناستا بولعان ادامدار انىقتالۋدا. ولار دەر كەزىندە مەديتسينالىق باقىلاۋعا الىنىپ، وقشاۋلانىپ، تەكسەرىستەن ءوتىپ جاتىر»، - دەلىنگەن مەملەكەتتىك كوميسسيانىڭ شۇعىل شتابىنىڭ اقپاراتىندا.
سوڭعى مالىمەتتەر بويىنشا، قىزىلوردا وبلىسىندا ىندەتكە شالدىققانداردىڭ جالپى سانى 131 گە جەتتى.
4 ادام جازىلىپ شىقتى، 127 سى ەم-دوم قابىلداۋدا.
ماڭعىستاۋ وبلىسىندا COVID-19 جاڭاوزەن قالاسىنىڭ 18 جاستاعى تۇرعىنىنان انىقتالدى.
«ول كوروناۆيرۋس ينفەكسياسىن جۇقتىرعان اداممەن قارىم-قاتىناستا بولۋىنا بايلانىستى كارانتيندىك ستاتسيونارعا جاتقىزىلعان بولاتىن. پ ت ر دياگنوستيكالىق زەرتتەۋ قورىتىندىسىمەن COVID-19 دياگنوزى ناقتىلاندى. ناۋقاستىڭ جاعدايى قاناعاتتانارلىق. بەكىتىلگەن حاتتاماعا سايكەس ءتيىستى ەم جۇرگىزىلۋدە. ونىمەن قارىم- قاتىناستا بولعان ادامدار انىقتالىپ، بارلىعى مەديتسينالىق باقىلاۋعا الىنۋدا. اۋرۋ وشاقتارىندا ەپيدزەرتتەۋ جۇمىستارى، دەزينفەكسيالىق جۇمىستار جۇرگىزىلۋدە»، - دەلىنگەن اقپاراتتا.
سوڭعى دەرەكتەر بويىنشا، ماڭعىستاۋ وبلىسىندا ينفەكسيا بارلىعى 12 ادامنان انىقتالدى. ونىڭ ىشىندە 1 ەۋى جازىلىپ شىقتى. قاراعاندى وبلىسىندا كوروناۆيرۋس ينفەكسياسىن تاعى 2 ادام جۇقتىرعانى بەلگىلى بولدى. 47 جاستاعى ايەل جانە 10 جاسار بالا تەمىرتاۋ قالاسىنىڭ تۇرعىندارى. بۇعان دەيىن ناۋقاس اداممەن جاقىن بايلانىستا بولعان.
پاۆلودار وبلىسىندا ىندەت 24 جانە 62 جاستاعى پاۆلودار تۇرعىندارىنان انىقتالدى.
«ولار كوروناۆيرۋس ينفەكسياسى راستالعان پاتسيەنتپەن بايلانىستا بولعان ادامدار رەتىندە كارانتيندىك ستاتسيونارعا بۇعان دەيىن جاتقىزىلعان ەدى. ەكى پاتسيەنت دە مەلتسەر بوكسىنا اۋىستىرىلدى. بايلانىستاعى ادامداردىڭ شەڭبەرى انىقتالادى، ولاردى وقشاۋلاۋ بويىنشا جۇمىستار جۇرگىزىلەدى. ەپيدەمياعا قارسى ءىس-شارالار جالعاسۋدا»، - دەلىنگەن coronavirus2020.kz-Telegram-ىندا.
