بالالاردى ەرتەگىلەر ەلى مەن ادەبيەتكە جەتەلەيتىن تىڭ كونتەنت جۇمىسىن باستادى
ەكى اپتا بۇرىن باستالعان «ەگەمەننەن - ەرتەگى» جوباسى كوپ ءبۇلدىرشىننىڭ اسىعا كۇتەر باعدارلاماسىنا اينالدى، دەپ حابارلايدى قازاقپارات ءتىلشىسى.
«ەرتەگى بالانى مەيىرىمگە ۇندەيدى. تاپقىرلىققا ۇيرەتەدى. ەلىمىزدىڭ باس گازەتى «ەگەمەن قازاقستان» مەن «قۋىرشاق» تەاترىنىڭ بىرلەسكەن جوباسى ۇرپاق ءۇشىن باستى بايلىق. ءدال قازىرگى قيىن ءساتتى بىرلەسە جەڭىپ شىعاتىنىمىز ءسوزسىز. مۇنداي جوبالاردى قولداۋىمىز كەرەك، از دا بولسا ۇلەسىمدى قوسىپ وتىرعانىما قۋانىشتىمىن»، - دەيدى نۇر-سۇلتان قالاسى اكىمدىگى «قۋىرشاق» تەاترىنىڭ ءارتىسى سالتانات ماعزىم.
يدەيا اۆتورى - «ەگەمەن قازاقستان» ا ق باسقارما ءتوراعاسى دارحان ءقىدىرالى.
قازاق راديوسىنداعى «ەردەن اتانىڭ ەرتەگىلەرى»، «زامزاگۇل اجەنىڭ ەرتەگىلەرى»، «كەشكى ەرتەگىلەر» دەگەن اتپەن ءۇزىلىسسىز بەرىلىپ تۇراتىن شاعىن جوبا كورەرمەننىڭ نازارىن وزىنە اۋدارىپ وتىر.
جاقىندا پرەزيدەنت اكىمشىلىگى باسشىسىنىڭ ءبىرىنشى ورىنباسارى ماۋلەن اشىمبايەۆ Facebook پاراقشاسىندا جوبانى ەرەكشە اتاپ وتكەن.
«قازىر ۇيدەن شىقپاي وتىرۋدىڭ ءوزى سىناققا اينالدى. وسىنداي كەزدە وقشاۋلانعان حالىقتىڭ تەلەديدار مەن ينتەرنەتكە كوبىرەك ۋاقىت بولەتىنى جاسىرىن ەمەس. سوندىقتان ءماندى، ماعىنالى دۇنيەلەردى ارتتىرۋدىڭ ماڭىزى زور. وسى رەتتە سونداي يگى ىستەردىڭ ءبىرى دە بىرەگەيى رەتىندە «ەگەمەننەن ەرتەگى» جوباسىن اتاپ وتكىم كەلەدى. كۇن سايىن «ەگەمەن قازاقستان» گازەتىنىڭ YouTube ارناسىنان بەرىلەتىن ەرتەگىلەر مىناداي جايماشۋاق كۇندەردە دالاعا شىعۋعا اسىعاتىن ويىن بالاسى ءۇشىن تاپتىرماس ەرمەك بولارى ءسوزسىز»، - دەپ جازدى م. اشىمبايەۆ.
جوبا ۇيلەستىرۋشىسى ايا ءومىرتاي باستاما الداعى ۋاقىتتا دا جالعاسىن تاباتىنىن، ءتىپتى ونى انيماتسيالىق تۇرعىدا دامىتۋ جوسپارى بارىن ايتادى.
جوبا ۇيلەستىرۋشىسى ايا ءومىرتاي باستاما الداعى ۋاقىتتا دا جالعاسىن تاباتىنىن، الەۋمەتتىك جەلىلەر ارقىلى كەڭ ناسيحاتتالىپ، بالالار اراسىندا بايقاۋ ۇيىمداستىرىلاتىنىن ايتتى.
«ىقىلىم زاماننان كۇنى بۇگىنگە دەيىن جالعاسىپ كەلە جاتقان قازاق حالىق ەرتەگىلەرىنىڭ ءدال قازىر قاجەتتىلىگى ءتىپتى كۇشەيىپ، ءمان-ماعىناسى ارتىپ وتىر. ۇيدە وقشاۋلانۋ كەزىندە بالالارعا ارناپ ەرىكتى تۇردە اتالعان جوبانى باستادىق. الدا جوبانى جان-جاقتى دامىتۋدى ويلاستىرىپ وتىرمىز. ءبىزدىڭ ويىمىزشا، قالاي بولعاندا دا بالالارعا ارنالعان قازاق تىلىندەگى كونتەنتتى دامىتۋ كەرەك. مۇلدەم جوققا شىعارا المايمىز، ايتسە دە جەكەلەگەن ەرىكتى توپتار قازاق بالالار ادەبيەتىنە قاتىستى ءتۇرلى جوبالاردى ۇسىنىپ جاتقانى قۋانتادى. وسى قاتارداعى باس باسىلىمنىڭ «بالالارعا بازارلىعى» دا قىسقا ۋاقىتتا تۇراقتى جاس تىڭدارماندارىن تاۋىپ ۇلگەردى»، - دەيدى ايا ءومىرتاي.
