ۇكىمەت مۇقتاج جاندارعا كومەكتى ازىق- تۇلىك تۇرىندە ەمەس، اقشالاي اۋدارۋ ۇسىنىسىن ماقۇلدادى
ەلىمىزدەگى سانيتارلىق- ەپيدەميولوگيالىق جاعداي تۋرالى دەنساۋلىق ساقتاۋ ءمينيسترى ەلجان ءبىرتانوۆ، نۇر- سۇلتان مەن الماتى قالالارىندا بيزنەس سۋبەكتىلەرى قىزمەتىنىڭ جەكەلەگەن تۇرلەرىن قايتا باستاۋ ماسەلەسى تۋرالى پرەمەر- ءمينيستردىڭ ورىنباسارى ەرالى توعجانوۆ، سونداي- اق اكىمدەر التاي كولگىنوۆ پەن باقىتجان ساعىنتايەۆ باياندادى. جەدەلدىكتى جانە ازاماتتاردىڭ قاۋىپسىزدىگىن قامتاماسىز ەتۋ ماقساتىندا مەملەكەتتىك كوميسسيا ەڭبەك جانە حالىقتى الەۋمەتتىك قورعاۋ مينيسترلىگى ەنگىزگەن ازىق- تۇلىك جانە تۇرمىستىق جيىنتىقتاردى زاتتاي ەمەس، جەكە تۇلعالاردىڭ شوتىنا اقشالاي قاراجاتتى اۋدارۋ ارقىلى بەرۋ تۋرالى ۇسىنىستى ماقۇلدادى.
«وڭىرلەردىڭ اكىمدىكتەرى ۇسىنىلعان تەتىككە سايكەس، كومەكتى الۋشىلارعا اقشالاي قاراجاتتىڭ ۋاقتىلى اۋدارىلۋىن قامتاماسىز ەتۋى كەرەك. كارتا شوتتارى بولماعان جاعدايدا نەمەسە كومەك الۋشىلاردىڭ جاسىنا نە مۇگەدەكتىگىنە بايلانىستى كەلۋگە مۇمكىندىگى بولماسا، سانيتارلىق تالاپتاردى ساقتاي وتىرىپ، ازىق- تۇلىك جيىنتىعىن ۇيگە جەتكىزۋدى قامتاماسىز ەتۋ قاجەت» ، - دەدى ا. مامين.
