الماتىدا كوروناۆيرۋس جۇقتىرعان مەديتسينا قىزمەتكەرلەرى وتەماقى الا ما؟
بۇل ساۋالعا قالالىق قوعامدىق دەنساۋلىق ساقتاۋ باسقارماسىنىڭ باسشىسى جاۋاپ بەردى، دەپ حابارلايدى قازاقپارات ءتىلشىسى.
«مەملەكەتتىك كوميسسيا شىعارعان قاۋلىعا سايكەس، ينفەكتسيالىق جانە پروۆيزورلىق ستاتسيونارلاردا جۇمىس ىستەيتىن، ۆيرۋستى جۇقتىرۋى مۇمكىن ناۋقاستارمەن جۇمىس ىستەگەن مەديتسينا قىزمەتكەرلەرى 2 ميلليون تەڭگە مولشەرىندە وتەماقى الۋى ءتيىس. كوميسسيا شەشىمىنە سايكەس، ءوز مىندەتىن اتقارىپ جاتقان مامانداردىڭ بارلىعى وتەماقى الۋى كەرەك دەپ ويلايمىن» ، - دەدى باسقارما باسشىسى تىلەۋحان ابىلدايەۆ.
ايتا كەتۋ كەرەك، الماتىدا كوروناۆيرۋس جۇقتىرعان مەديتسينا قىزمەتكەرلەرىنىڭ سانى 218 گە جەتتى. ولاردىڭ باسىم كوپشىلىگى الماتى ورتالىق كلينيكالىق اۋرۋحاناسىندا جۇمىس ىستەگەن.
