ناۋقاس اداممەن بايلانىستا بولماعان پاۆلودارلىق ايەلدەن كوروناۆيرۋس انىقتالدى

ايتا كەتەيىك، 14- ساۋىردەگى سوڭعى مالىمەتتەرگە سايكەس، قازاقستاندا كوروناۆيرۋس ىندەتىن جۇقتىرعان تاعى 33 ادام تىركەلدى. ونىڭ ىشىندە پاۆلودار وبلىسىندا 1 ادام بار.

«سىرقات 50 جاستاعى پاۆلودار تۇرعىنى. 10- ءساۋىر كۇنى جەدەل جاردەم بريگاداسى جەكە قورعانۋ قۇرالدىن قولدانۋ ارقىلى، جرۆي بەلگىلەرى بار ايەل ادامدى ۋاقىتشا گوسپيتالگە جەتكىزدى.

COVID-19 عا الىنعان تەست تەرىس ناتيجە كورسەتتى. ناۋقاسقا «وكپەنىڭ قابىنۋى» دياگنوزى قويىلدى. ەمدەۋ حاتتاماسىنا سايكەس، وكپە قابىنۋى بار ناۋقاستاردان ءۇشىنشى تاۋلىكتەن كەيىن قايتا اناليز الىنادى.

14- ءساۋىر كۇنى COVID-2019-عا الىنعان تالداۋ قورىتىندىسى وڭ ناتيجە كورسەتتى»، - دەلىنگەن وبلىس اكىمدىگىنىڭ مالىمەتىندە.

ناۋقاس ايەلدىڭ سوزىنشە، ول ەلدەن ەشقايدا شىقپاعان جانە كوروناۆيرۋس جۇقتىرعان ادامدارمەن بايلانىستا بولماعان.

«ونىمەن بايلانىستا بولعان تۇلعالار انىقتالدى. ولاردى وقشاۋلاۋ بويىنشا جۇمىستار جاسالۋدا. ەپيدەميولوگيالىق تەكسەرۋ جالعاسىپ جاتىر»، - دەلىنگەن اقپاراتتا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى