جەتىسايدا كوروناۆيرۋستان قايتىس بولعان ناۋقاستىڭ ايەلى ىندەت جۇقتىردى

وڭىردەگى شالعاي ورنالاسقان جەتىساي اۋدانىندا 20 ادامنىڭ وسى ىندەتكە شالدىققانى انىقتالىپ وتىر، دەپ حابارلايدى قازاقپارات ءتىلشىسى.

وبلىستىق توتەنشە جاعدايلار شتابىنىڭ مالىمەتىنشە، سوڭعى تاۋلىكتە جەتىساي اۋدانىنىڭ اسىق اتا اۋىلىندا 1980-جىلى تۋعان تۇرعىننىڭ قاۋىپتى ۆيرۋستى جۇقتىرعانى راستالعان.

ول COVID-19 ينفەكتسياسىمەن اۋىراتىن ناۋقاسپەن جاقىن بايلانىستا بولعان. سونداي-اق، جەتىساي قالاسىنىڭ 1956-جىلى تۋعان ازاماتشاسىنان كوروناۆيرۋس ينفەكتسياسى انىقتالعان.

ول 4- ءساۋىر كۇنى قايتىس بولعان جەتىساي قالاسىنىڭ تۇرعىنىنىڭ جۇبايى ەكەنى بەلگىلى بولعان.

قازىرگى تاڭدا وبلىس بويىنشا توعىز اۋدان- قالادا كوروناۆيرۋس جۇقتىرعان ناۋقاستار ەم قابىلداۋدا.

«بارلىق ناۋقاستاردىڭ جاعدايى قاناعاتتانارلىق، شاعىمى جوق. ۆيرۋس جۇقتىرعاندار قازىرگى ۋاقىتتا وقشاۋلانىپ، ءتيىستى ەم قابىلداۋدا. اتالعان ازاماتتارمەن بايلانىستا بولعانداردى انىقتاپ، وقشاۋلاۋ جۇمىستارى جۇرگىزىلۋدە. بۇعان دەيىن 1956-جىلى تۋعان ناۋقاس 4- ءساۋىر كۇنى قايتىس بولعان ەدى» دەلىنگەن حابارلامادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى