بيلل گەيتس: كوروناۆيرۋسقا قارسى ۆاكتسينا تەك ءبىر جارىم جىل ىشىندە دايىن بولادى
ناۋرىزدىڭ ورتاسىندا ۆۆس مەديتسينالىق كوررەسپوندەنتى دجەيمس گاللاحەر عالىمدار covid-19 عا قارسى بىرنەشە ۆاكسينانىڭ نۇسقالارىن جاساپ شىعارعانىن جانە قازىر ولاردى جانۋارلارعا سىنالىپ جاتقاندىعىن حابارلادى. ەگەر تەستىلەۋ ءساتتى بولسا، كەلەسى قادام - ادامدارعا سىناق جاسالادى.
اعزادا كوروناۆيرۋستىڭ بىرنەشە ءتۇرى بىردەن ءومىر سۇرە الۋى مۇمكىن، وسى جاعداي عالىمداردىڭ جۇمىسىن قيىنداتىپ وتىر.
Wellcome Trust وكىلى، بريتاندىق عالىم دجەرەمي فاررار ۆۆس- گە بەرگەن سۇحباتىندا، ناۋقاستاردىڭ ەمدەلگەن سوڭ دا ەكىنشى رەت وسى اۋرۋمەن اۋىراتىنى ۆاكتسينا جاساۋ جۇمىسىن كۇردەلەندىرىپ وتىرعانىن ايتتى.
ونىڭ ايتۋىنشا، مۇنداي جاعداي وڭتۇستىك كورەياداعى 100 گە جۋىق ناۋقاستىڭ باسىندا بولعان. عالىمدار بۇل ۆيرۋس قاندا بەلسەندى بولىپ قالا ما، الدە ادامداردان قايتادان جۇعا ما، وسىنى انىقتاي الماي جاتىر.
Microsoft نەگىزىن قالاۋشىسىنىڭ قايىرىمدىلىق قورى covid-19 ۆاكتسيناسىن جاساۋدى قارجىلاندىراتىنداردىڭ قاتارىندا. گەيتستىڭ ايتۋىنشا، تەك ۆاكتسيناتسيا عانا اۋرۋدان قۇتىلىپ، قالىپ ومىرگە ورالۋعا سەبەپشى بولادى. جاھاندىق پاندەميا تۋرالى ۇزاق ۋاقىت الدىن- الا ەسكەرتكەن بيلل گەيتس جاڭا ۆاكتسينانى ازىرلەۋگە قاراجات جەتكىلىكسىز بولىنگەنىن ايتتى. جاڭا كوروناۆيرۋسپەن كۇرەس سوعىسپەن سالىستىرعاندا الدەقايدا كوپ، ال قاۋىپسىزدىككە الدەقايدا قوماقتى قارجى جۇمسالدى. مەديتسينالىق ساراپشىلار پاندەميا ادامزات باستان كەشىرگەن ەڭ ۇلكەن اپات بولۋى مۇمكىن دەپ مالىمدەدى.
«مەن 2015 -جىلى نيۋ- يوركتە وسى قاۋىپ تۋرالى ايتتىم. ءبىز ءبارىمىز وتكەنگە كوز جۇگىرتەمىز جانە قاجەتتى ءدارى- دارمەكتەر، ۆاكسينالار مەن جابدىقتارعا يە بولۋ ءۇشىن دياگنوزدى مۇمكىندىگىنشە تەزىرەك جاساۋ ءۇشىن جەتكىلىكتى قاراجات جۇمساماعانىمىزعا وكىنەمىز. ءبىز بارلىعىمىز ەپيدەميادان قورعاندىق. ءيا، ءبىز جاڭا ۆاكسينالاردى جاساۋعا كومەكتەسەتىن ەپيدەمياعا دايىندىقتى دامىتۋ جونىندەگى كواليتسيانى (CEPI) قۇردىق. ءبىراق بۇل ءبىز جاساي الاتىن جۇمىستاردىڭ تەك %5 ى عانا. ۋاقىت وتە كەلە ءبىز وسىنىڭ بارىنە نازار اۋدارامىز جانە از عانا ەل وتە جاقسى دەگەن باعاعا يە بولادى، ويتكەنى كوپشىلىگى بولىپ جاتقان جاعدايعا رەاكسيا جاساۋعا تىرىسادى، ءبىز بۇعان دايىن بولمادىق» ، - دەدى كومپانيانىڭ نەگىزىن قالاۋشى.
ناۋرىزدىڭ ورتاسىندا ا ق ش- تا كوروناۆيرۋسقا قارسى العاشقى ۆاكتسينالار سىناقتارى ەرىكتىلەرگە سالىنا باستالدى. بۇل ۆاكتسينانىڭ دامۋىن ا ق ش ۇلتتىق دەنساۋلىق ساقتاۋ ينستيتۋتى قارجىلاندىرادى.
سونىمەن بىرگە، ساراپشىلار بۇل سىناقتار ءساتتى بولسا دا، ۆاكتسينا كوپشىلىككە قول جەتىمدى بولۋ ءۇشىن تاعى جارتى جىل ءوتۋى مۇمكىن دەپ بولجادى.
