بەلگىلى سپورت قايراتكەرى بەكەت ماحمۇتوۆ ومىردەن ءوتتى

ونىڭ ەسىمى قازاقستاندىق جانكۇيەرلەرگە جاقسى تانىس. ول بوكستان قازاقستاننىڭ ەڭبەك سىڭىرگەن باپكەرى بولدى، سامبودان ك س ر و سپورت شەبەرى اتاعىنا قول جەتكىزدى. ب. ماحمۇتوۆ 1939 -جىلى الماتى وبلىسىندا دۇنيەگە كەلگەن. ءومىرىنىڭ باسىم بولىگىن بوكس جانە دزيۋدو سپورتىنىڭ دامۋىنا ارنادى.

1993-2000 -جىلداردا ەلىمىزدىڭ بوكس فەدەراتسياسىنا جەتەكشىلىك ەتتى. بۇل كەزەڭدە قازاقستاندىق بىلعارى قولعاپ شەبەرلەرى ءۇش وليمپيادادا تۇراقتى تۇردە جۇلدەگەرلەر قاتارىنان كورىندى.

1996 -جىلى 1 التىن، 1 كۇمىس، 2 قولا، 2000 -جىلى 2 التىن، 2 كۇمىس مەدال الدى. ول 1996-2006 -جىلداردا حالىقارالىق بوكس فەدەراتسياسىندا (AIBA) ۆيتسە-پرەزيدەنت قىزمەتىن اتقاردى.

سونداي-اق، ول 2009 -جىلدان باستاپ ەلىمىزدىڭ دزيۋدو فەدەراتسياسىنا جەتەكشىلىك جاساپ، ونى جوعارى دەڭگەيگە كوتەرۋگە كۇش سالدى. ناتيجەسىندە 2009 -جىلى ماكسيم راكوۆ الەم چەمپيونى اتاندى. 2010 -جىلى ەلدوس سمەتوۆ جاستار اراسىندا سول بيىكتەن كورىنىپ، كەيىننەن ەرەسەكتەر اراسىندا الەم چەمپيونى جانە وليمپيادا جۇلدەگەرى بولدى.

اۆتور: ءادىلجان ۇمبەت

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى