يسپانيادا كارانتين تالاپتارى بىرتىندەپ جۇمسارا باستايدى

بۇل كارانتين ەلدىڭ ەكونوميكاسىن تىعىرىققا تىرەگەن بولاتىن، دەپ جازادى BBC.

ءوندىرىس ورىندارىندا، قۇرىلىس سالاسىندا جانە باسقا دا سالاداعى ءبىرقاتار قىزمەتكەرلەردىڭ جۇمىسقا ورالۋىنا رۇقسات بەرىلدى.

ءبىراق ولاردىڭ ءبارى قاۋىپسىزدىك تەحنيكاسى ەرەجەلەرىن قاتاڭ ۇستانۋعا ءتيىس. ال ودان باسقا حالىق ءبارىبىر ۇيىندە قالادى. يسپانيادا قاۋىپتى ىندەتتەن 17500 گە جۋىق ادام قايتىس بولعان.

ايتسە دە، جاڭادان جۇقتىرۋ فاكتىلەرى ازايىپ كەلەدى. دۇيسەنبىدە ەلدىڭ دەنساۋلىق ساقتاۋ مينيسترلىگى ەلدە اۋرۋدان ولگەن حالىقتىڭ سانى ازايعانىن مالىمدەدى.

سوڭعى 24 ساعاتتا 517 ادام قايتىس بولعان. جەكسەنبىدە بۇل كورسەتكىش 619 بولاتىن. سوڭعى مالىمەتكە سەنسەك، ەلدە 17489 ادام كوروناۆيرۋستان كوز جۇمعان.

جاڭادان جۇقتىرۋ جاعدايلارى كۇن ساناپ تومەندەپ وتىر. ەلدە كوروناۆيرۋسقا شالدىققان 169496 ادام بار. دۇيسەنبىدە ەل ۇكىمەتى 27- ناۋرىزدا ەنگىزىلگەن كەي شەكتەۋلەردى الىپ تاستادى.

سويتىپ قاشىقتان جۇمىس ىستەۋگە مۇمكىندىگى جوق كاسىپورىنداردى قايتا اشۋعا رۇقسات بەردى.

شەنەۋنىكتەر قوعامدىق كولىكتە جۇرگەندەرگە 10 ميلليون ماسكانى تەگىن تاراتۋدى كوزدەپ وتىر.

پاسحا - ەلدىڭ باستى مەرەكەلەرىنىڭ ءبىرى. ءبىراق بيىل 1930-جىلدان بەرى ءبىرىنشى رەت ەلدە پاسحا شەرۋى بولعان جوق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى