كوروناۆيرۋستى ەمدەيتىن ءدارى قانداي بولۋى ءتيىس؟

«29. بۇل جاڭا كوروناۆيرۋس قۇرامىنداعى ادام اعزاسىنا شابۋىلدايتىن اقۋىزداردىڭ سانى. ياعني، 29 اقۋىز ونداعان مىڭ پروتەينگە قارسى شىعادى. وسى 29 اقۋىز اعزاداعى كوپ كلەتكانى جاۋلاپ العان سايىن، ادامدا اۋرۋ اسقىنا بەرەدى. ياعني، بۇل الەمدەگى 100 مىڭنان استام ادامدى وسى 29 اقۋىز ءولتىردى دەۋگە بولادى»، - دەپ جازادى اۆتور.

ونىڭ ايتۋىنشا، COVID-19عا قارسى ءدارى ادام اعزاسىنىڭ كلەتكالارىن باسىپ الۋعا مۇمكىندىك بەرمەيتىن پروتەيندەر ارقىلى جاسالاتىن بولادى.

«بۇكىل الەم عالىمدارى SARS- CoV-2 كوروناۆيرۋسىنىڭ ءالسىز تۇسىن تابۋعا تىرىسىپ جاتىر. ءۇش ايدىڭ ىشىندە بۇكىل الەم زەرتحانالارى ۆيرۋستىڭ قۇرىلىمىن دا انىقتادى. تاعى ءبىر توپ عالىمدار ۆيرۋستان جازىلىپ شىققانداردىڭ قانىن زەرتتەپ جاتىر. قازىرگى تاڭدا 100 دەن استام پرەپاراتتار COVID-19 عا قارسى قولدانىلۋ مۇمكىندىگىنە تەكسەرىلىپ جاتىر. ال ناۋرىز ايىنىڭ ورتاسىندا ەرىكتىگە «مودەرن» كومپانياسىنىڭ ۆاكسيناسى سالىندى. كەيبىر عالىمدار وسى 29 اقۋىز ادام كلەتكاسىنىڭ ءارتۇرلى بولىكتەرىمەن بايلانىسقا تۇسەدى. ياعني، جاڭا ءدارى ادام اعزاسىن ەمەس، ۆيرۋستى جويۋى كەرەك»، - دەپ جازادى باسىلىم. كاليفورنيا ۋنيۆەرسيتەتىنىڭ فارماكولوگى كيەۆان شوكاتتىڭ ايتۋىنشا، بۇل ۆيرۋستىڭ ەمدەلۋى راك تەراپياسىنا ۇقسايدى. ياعني، پرەپارات ادامنىڭ بەلگىلى ءبىر كلەتكالارىن عانا ءولتىرۋى ءتيىس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى