اقمولا وبلىسىندا كوروناۆيرۋستان كوز جۇمعان ادامنىڭ وكپەسى قابىنعان

بۇل تۋرالى اقمولا وبلىسىنداعى كوروناۆيرۋس ىندەتى بويىنشا وتكەن ونلاين بريفينگتە اقمولا وبلىستىق دەنساۋلىق ساقتاۋ باسقارماسىنىڭ باسشىسى سۇلەن ءىلياسوۆ ايتتى، دەپ حابارلايدى قازاقپارات.

«اقمولا وبلىسىندا 13 - ساۋىردەگى جاعداي بويىنشا كوروناۆيرۋستان تاعى ءبىر ادام كوز جۇمدى. جالپى العاندا وڭىردە 71 ادام كوروناۆيرۋسپەن اۋىرسا، ونىڭ ىشىندە تورتەۋى قايتىس بولدى»،- دەيدى سۇلەن ءىلياسوۆ. ونىڭ ايتۋىنشا، قايتىس بولعان 1936-جىلى تۋعان ەر ادام.

«ول الەۋمەتتىك قىزمەت كورسەتۋ ورتالىعىنىڭ قامقورلىعىنداعى ادام. 5 -ساۋىردەن باستاپ ول كوكشەتاۋداعى تەمىرجول اۋرۋحاناسىنداعى پروۆيزورلىق ستاتسيوناردا كارانتيندە بولعان. 9 -ساۋىردە دياگنوزى انىقتالىپ، اقمولا وبلىستىق تۋبەركۋلەزگە قارسى ديسپانسەردىڭ جۇقپالى اۋرۋلار بولىمىنە اۋىستىرىلعان. اۋرۋحاناعا تۇسكەن كەزدە جاعدايى اۋىر بولعان. دياگنوزى ەكىجاقتى وكپەنىڭ قابىنۋى، وتە اۋىر دەڭگەيدە. قوسالقى دەرتتەرى: ارتەريالدى گيپەرتونيا، جۇرەكتىڭ يشەميالىق اۋرۋى»، - دەيدى ول. ستاتسيوناردا 347 ناۋقاس جاتىر. سونىڭ ىشىندە جۇقپالى اۋرۋلار بولىمىندە - 67، پراۆيزورلىق ستاتسيوناردا - 184، كارانتين بولىمىندە 96 ادام جاتىر. ءۇي جاعدايىنداعى كارانتيندە - 662 ادام بار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى