تەمەكى شەگەتىندەر ءۇشىن كوروناۆيرۋس قانشالىقتى قاۋىپتى

دارىگەر «شىلىم شەگەتىندەر كوروناۆيرۋس ينفەكتسياسىن سيرەك جۇقتىرادى» دەگەن اقپاراتتىڭ قيسىنسىز ەكەنىن جەتكىزگەن دەپ حابارلايدى KAZ. NUR. KZ پورتالى.

ر ي ا نوۆوستي دەرەگىنشە، ليەۆشين تەمەكى كوروناۆيرۋس ىندەتتەن قورعايدى دەگەن اقپاراتقا سەنۋگە بولمايتىنىن ايتقان.

ونىڭ سوزىنشە، عالىمدار COVID-19 تۋرالى ءالى تولىققاندى اقپارات جيناپ ۇلگەرگەن جوق. الايدا قازىردىڭ وزىندە بۇل ۆيرۋس كوپ جىل شىلىم شەگەتىندەر ءۇشىن اسا قاۋىپتى ەكەنى بەلگىلى بولدى.

«تەمەكى كوروناۆيرۋس دەرتىنەن قۇتقارمايدى، كەرىسىنشە ناۋقاستىڭ جاعدايى ناشارلايدى. التى- جەتى جىل شىلىم شەگەتىن كەز كەلگەن ادامنىڭ سوزىلمالى ءبرونحيتى بولادى. ال ۆيرۋس جۇقتىرعان جاعدايدا مۇنداي دەرتتىڭ پنيەۆمونياعا اينالۋ مۇمكىندىگى بىرنەشە ەسە جوعارىلايدى»، - دەپ ءتۇسىندىردى دارىگەر.

ليەۆشين بۇنداي جالعان اقپاراتتى تەمەكىگە تاۋەلدى ادامدار ادەيى تاراتانىنىن جەتكىزدى.

«جامان ادەتتەن ارىلا الماي جۇرگەن ادامدار بار. وزدەرى شىلىمدى تاستاي المايدى. سونىسىمەن قويماي مەديتسينالىق كومەككە دە جۇگىنگىسى كەلمەيدى. ولار بۇل مۇمكىن ەمەس دەپ ەسەپتەگەندىكتەن، ءومىر بويىنا تەمەكىگە تاۋەلدى بولادى. ال وزدەرىن اقتاپ الۋ ءۇشىن وسىنداي «فەيك» دۇنيەلەردى ويلاپ تابادى»، - دەدى بلوحين اتىنداعى ونكولوگيالىق عىلىمي ورتالىقتىڭ ءبولىم مەڭگەرۋشىسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى