پرەزيدەنت كوروناۆيرۋستىڭ تارالۋى تۋرالى: تاۋەكەلگە بارىپ وتىرمىز
«مۇنداي جاعدايدا ايماق باسشىلارى مەن ورتالىققا باعىنىشتى قالا باسشىلارىنىڭ جاۋاپكەرشىلىگى ەداۋىر سالماقتى سيپاتقا يە بولۋدا. تۋراسىن ايتقاندا - ءبىز تاۋەكەلگە بارىپ وتىرمىز. ءبىراق بىزدە باسقا امال دا جوق. ازاماتتار ءۇشىن قاتاڭ كارانتين رەجيمى، ستۋدەنتتەر مەن مەكتەپ وقۋشىلارىن، بالاباقشا بالالارىن قاشىقتان وقىتۋ - كۇشىندە قالادى. قوعامدىق ورىنداردى دەزينفەكسيالاپ تۇرۋ كەرەك. الايدا كاسىپورىنداردى بىرتىندەپ جۇمىس رەجيمىنە اۋىستىرامىز»، - دەدى قاسىم- جومارت توقايەۆ توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ وتىرىسىندا. وسىنى ايتا كەلە مەملەكەت باسشىسى باستى باسىمدىق تۋرالى ۇمىتپاۋدى ەسكە سالدى.
«تاعى دا ءبىر ايتىپ وتەيىن: ازاماتتارىمىزدىڭ دەنساۋلىعى - ەڭ ۇلكەن باسىمدىق وسى. ورتاق جۇمىسىمىزدا وسىنى ءاردايىم ەستە ساقتاۋىمىز كەرەك»، - دەدى پرەزيدەنت.
اۆتور: ايان بەكەن ۇلى
