پرەزيدەنت مەديتسينا قىزمەتكەرلەرىنىڭ ىندەتتى جۇقتىرىپ جاتقانىنا الاڭداۋشىلىق ءبىلدىردى
«مەديتسينا قىزمەتكەرلەرىنىڭ ىندەتتى جۇقتىرىپ جاتقانى الاڭداتىپ وتىر. اۋرۋعا شالدىققان بەس ادامنىڭ بىرەۋى - مەديتسينا قىزمەتكەرى. بۇعان جەكە قورعانىس قۇرالدارىنىڭ جەتىسپەۋشىلىگى جانە قاۋىپسىزدىك شارالارىنىڭ ساقتالماۋى سەبەپ بولۋدا. دارىگەرلەرىمىز ونسىز دا جەتپەي جاتقاندا، بۇعان مۇلدەم جول بەرۋگە بولمايدى. ناۋقاستاردى ەمدەيتىن مەديتسينا قىزمەتكەرلەرىنىڭ ەڭبەك جاعدايىن ەرەكشە باقىلاۋعا الۋ كەرەك. ولار جەكە قورعانىس قۇرالدارىمەن تولىق قامتاماسىز ەتىلۋى ءتيىس. سونداي- اق، دەم الاتىن جانە ۋاقىتشا تۇراتىن جەرلەرىن دە مۇقيات ويلاستىرعان ءجون» - دەدى مەملەكەت باسشىسى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ وتىرىسىندا.
