ەلباسىنىڭ ۇندەۋى جاستاردىڭ جىگەرىن ارتتىرادى
ونىڭ ايتۋىنشا، قازاق حالقى اشتىق، سوعىس، زۇلمات، وبا، ىندەت، شاپقىنشىلىق سەكىلدى قيىنشىلىقتىڭ ءبارىن باستان وتكەرگەن. ءبىراق، ەشقاشان بىرلىگى اجىراماعان، ناماسى جىعىلماعان قايسار ۇلت.
«ەلباسى نۇرسۇلتان ءابىش ۇلى نازربايەۆ جاساعان ۇندەۋى ءبىزدىڭ جىگەرىمىزدى ارتتىردى. اسەرەسە، جاڭا وسكىن - جاس ۇرپاققا ايتقان سوزدەرى ءبىراز مىندەت جۇكتەدى. ءوز باسىم «ساعادات نۇرماعامبەتوۆ» اتىنداعى سپورت مەكتەبىنىڭ جاتتىقتىرۋشىسى، ۇستاز جانە تاۋەلسىزدىك جىلدارى دۇنيەگە كەلگەن ازامات رەتىندە زور مىندەت سەزىندىم. بۇل ۋاقىتتار بۇكىل الەمنىڭ باسىنا كەلگەن سىناق ۋاقىتى. سوندىقتان ەل بولىپ تارتىپكە باعىنىپ، بىرلىگىمىز ىدىراماي جەڭىپ شىعۋىمىز كەرەك. «قۇدايدان جەڭىل جۇك سۇراما، سول جۇكتى كوتەرە الاتىن ارقا سۇرا»، دەمەكشى ءاربىز ازامات ءوز مىندەتىمىزدى ارتىعىمەن ورىنداساق جازىلماس دەرت، الىنباس قامال جوق. ءالى- اق يەن دالادا كوكپار تارتىپ، التى قىردان اسىرىپ ءان سالىپ، ساعىنايدىڭ اسىنداي تويلار جاساپ، جادىرايتىن كۇندەرىمىز كەلەدى. ءتۇن بولماسا كۇن ءقادىرسىز بولاتىنى سياقتى، وسى كەزەڭدەر دە ەركىندىكتىڭ قادىرىن سەزىندىرىپ جاتقانى انىق»، - دەيدى سپورت شەبەرى نۇرسۇلتان ورىنباساروۆ.
