قازاقستاندىقتارعا تەگىن امبەباپ كارتا تاراتىلادى
امبەباپ كارتانى ەنگىزۋ ق ر ەڭبەك جانە حالىقتى الەۋمەتتىك قورعاۋ مينيسترلىگى مەن «ەڭبەك رەسۋرستارىن دامىتۋ ورتالىعى» ا ق جۇزەگە اسىراتىن «قازاقستان ازاماتىنىڭ الەۋمەتتىك ID» جوباسى اياسىندا جۇرگىزىلەدى. جوبا اقتوبە قالاسىندا ءساتتى سىناقتان ءوتتى، ەندى ونى ەلىمىزدىڭ بارلىق وڭىرلەرىندە ەنگىزۋ باستالدى. كارتانى 2020 -جىلدىڭ سوڭىنا دەيىن تاراتىپ ءبىتۋ جوسپارلانعان. ID كارتانى بارلىق قازاقستاندىقتار الا الادى جانە ول تەگىن بولادى. ءبىرىنشى كەزەكتە ولار زەينەتكەرلەرگە، مەملەكەتتىك جاردەماقىلاردىڭ بارلىق ءتۇرىن الۋشىلارعا، سونداي- اق وقۋشىلارعا بەرىلەدى. كارتا بەرۋمەن «قازپوشتا» ا ق اينالىسادى.
امبەباپ كارتادا ءبىرقاتار مەملەكەتتىك قىزمەتتەر بىرىكتىرىلەدى: زەينەتاقى مەن جاردەماقى الۋ، قوعامدىق كولىكتە جول ءجۇرۋ اقىسىن تولەۋ، ساۋدا، مەديتسينالىق جانە باسقا دا جەلىلەردەگى تاۋارلار مەن قىزمەتتەر ءۇشىن ەسەپ ايىرىسۋعا بولادى. بۇدان بولەك، جول جۇرۋگە %50 جەڭىلدىك، شيپاجايدا دەمالۋعا %100 وتەماقى الۋ مۇمكىندىگى بار. بۇل رەتتە كارتاعا «ماقساتتى باقىلاۋ» دەپ اتالاتىن جۇيە ەنگىزىلمەك. بۇل، مەملەكەتتىڭ زاتتاي جەڭىلدىكتەردىڭ ورنىنا اقشالاي بەرىلەتىن قاراجاتتىڭ (مىسالى، بالالار تاعامى، قالالىق كولىكتە ءجۇرۋ) باسقا ماقساتتارعا جۇمسالماۋىن قاداعالاۋ ءۇشىن قاجەت. ايتا كەتەيىك، «قازپوچتا» ا ق بولىمشەلەرىنىڭ كاسسالارىندا جاردەماقى مەن زەينەتاقى الۋدىڭ بالامالى ءتاسىلى الداعى جىلدارى ساقتالاتىن بولادى. ۇكىمەت شەشىمىنە سايكەس امبەباپ كارتاعا تولىق كوشۋ 2023 -جىلعا قاراي اياقتالۋى ءتيىس.
«ءارتۇرلى نۇسقالار قاراستىرىلدى، سونىڭ ىشىندە NFC تەحنولوگياسى بار QR- كودتار مەن سمارتفونداردى پايدالانۋ بولدى. الايدا، مۇنداي شەشىمدەر بەلگىلى ءبىر قيىندىقتارعا بايلانىستى قابىلدانبادى. بىرىنشىدەن، كوپتەگەن زەينەت جاسىنداعى ازاماتتار سمارت- قۇرىلعىلاردى تولىق قولدانا المايدى. ەكىنشىدەن، بارلىق وڭىرلەردىڭ تۇرعىندارى ينتەرنەتپەن قامتىلماعان. سوندىقتان ID كارتانى - ونلاين جانە وفلاين پايدالانا الۋ ءۇشىن پلاستيكالىق كارتا تۇرىندە شىعارۋ تۋرالى شەشىم قابىلداندى. بارلىق ازاماتتار ونى قالاي پايدالانۋ كەرەكتىگىن بىلەدى» ، - دەيدى «ەڭبەك رەسۋرستارىن دامىتۋ ورتالىعى» ا ق مۇگەدەكتىكتى بەلگىلەۋ جانە الەۋمەتتىك قىزمەتتەردى كورسەتۋ بويىنشا ا ج دامىتۋ جانە سۇيەمەلدەۋ دەپارتامەنتى ديرەكتورىنىڭ ورىنباسارى الىشەر ەلۋبايەۆ.
