كوروناۆيرۋس: تۇرمەلەردەگى قارت ادامدار راقىمشىلىققا ءىلىندى

جالپى تىزىمدە 65 جاستان اسقان 176 ادام بار، دەپ حابارلايدى قازاقپارات ءتىلشىسى.

مەملەكەت باسشىسىنىڭ رەسمي سايتىندا جاريالانعان قۇجاتتا الەمدە كوروناۆيرۋس ينفەكتسياسىنىڭ تاراعانىنا بايلانىستى دەنساۋلىعى مەن جاسىن ەسكەرە وتىرىپ ەرەكشە كۇتىمدى قاجەت ەتەتىن 65 جاستان اسقان ازاماتتاردى بوساتۋ تۋرالى شەشىم قابىلدانعانى ايتىلعان.

شەشىم شىعارۋ بارىسىندا ولاردىڭ دەنساۋلىعى، جازاسىن وتەۋ كەزىندەگى ءتارتىبى نەگىزگە الىنعان.

جالپى 176 ادام بوستاندىققا شىعادى. ولاردىڭ ەكەۋى ءومىر بويىنا سوتتالعان ازامات (ءبىرى 20 جىلىن، ەكىنشىسى 25 جىلىن وتەگەن)، جول-كولىك وقيعاسىنا قاتىستى قىلمىس جاساعان 25 ادام بار.

سونداي-اق، بۇل تىزىمگە تاراتىلعان ۇلتتىق قاۋىپسىزدىك مينيسترلىگى ەنەرگەتيكا جانە كولىك قاۋىپسىزدىگى باس باسقارماسىنىڭ بۇرىنعى باستىعى گەنەرال-مايور اكيف چوۆداروۆ، ترانسۇلتتىق ەكونوميكالىق قىلمىسپەن كۇرەس باسقارماسىنىڭ ەكس-باستىعى گەنەرال-مايور سۋباحير گۋربانوۆ جانە ازەربايجان يسلام پارتياسىنىڭ اتقارۋشىسى فاراماز ابباسوۆ ىلىنگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى