وسكەمەن مەن سەمەي قالالارىندا قوسىمشا شەكتەۋلەر ەنگىزىلەتىن بولدى

«وسكەمەن مەن سەمەي قالالارىندا 2020 -جىلعى 2-ساۋىردە ساعات 00.00-دەن باستاپ، قوسىمشا شەكتەۋلەر ەنگىزىلەدى. شىعۋ جانە كىرۋ شەكتەلەدى، 15 باقىلاۋ- وتكىزۋ پۋنكتى قويىلادى. كولىك قوزعالىسى كۇندىز شەكتەلىپ، تۇندە توقتايدى. تەك قىزمەتتىك كولىكتەرگە رۇقسات بەرىلدى» دەلىنگەن حابارلامادا.

ودان بولەك، 6-ساۋىردەن باستاپ، جەكە كولىك قوزعالىسى شەكتەلەدى. كۇنتىزبەنىڭ جۇپ كۇندەرى، كولىك ءنومىرى ءنولدى قوسقاندا، تەك جۇپ سانىنا اياقتالعاندار، ال تاق كۇندەرى، كولىك ءنومىرى تاق سانعا اياقتالعاندار عانا جۇرەدى.

6-ساۋىردەن باستاپ، وسكەمەن، سەمەي اۋماعىندا تۇرعىنداردىڭ ءجۇرىس-قوزعالىسى تەك رۇقسات قاعازى ارقىلى جۇزەگە اسادى: I ءتۇرى - قالالاردىڭ تىنىس-تىرشىلىگىن قامتاماسىز ەتەتىن ۇيىم قىزمەتكەرلەرى، جۇمىس ىستەيتىن ازاماتتارعا ارنالعان. Ⅱ ءتۇرى - ءاربىر وتباسىنا بەرىلەدى. ول ارقىلى اپتاسىنا 3 رەت ساۋدا نىساندارىنا، ءدارىحانالارعا، بانكتەر مەن مەديتسينا مەكەمەلەرىنە بارۋعا بولادى.

رۇقسات قاعازىنىڭ جاسىل ءتۇسى - جۇپ كۇنى، اق ءتۇسى - ايدىڭ تەك تاق كۇندەرى شىعۋعا مۇمكىندىك ەتەدى. سونداي- اق، 2 -ساۋىردەن باستاپ، ازىق- تۇلىك بولىمدەرىنەن باسقا، ءىرى ساۋدا نىساندارىنىڭ قىزمەتى توقتايدى. مەيرامحانالار، ءدامحانالار، اسحانالار ونلاين تۇردە تاپسىرىس الۋ، جەتكىزۋ رەجيمىنە وتەدى. قىزمەت كورسەتەتىن - سۇلۋلىق سالوندارى، ماسساج ورتالىقتارى، ساۋنالار تولىق جابىلادى. قوعامدىق ءتارتىپتى ساقتاۋ شارالارى كۇشەيتىلدى. وسكەمەن 200، سەمەي 202 شارشى اۋماققا ءبولىندى. كوممۋنالدىق جانە بايلانىس قىزمەتتەرى ۇزدىكسىز جۇمىس اتقاراتىن بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى