قازاقستاندىق اۋە كومپانيا قىتايدان ۋكرايناعا گۋمانيتارلىق جۇك جەتكىزدى
گۋمانيتارلىق جۇك جەتكىزۋ جۇمىسىن «SCAT» اۋە كومپانياسى ورىندادى.
«ۋكراينالىق تاراپتىڭ وتىنىشىمەن ءارى ۋكرايناداعى قازاقستان ەلشىلىگىنىڭ كۇش سالۋىمەن 29- ناۋرىزدا قازاقستاندىق «SCAT» اۋە كومپانياسى كوروناۆيرۋس ەپيدەمياسىمەن كۇرەسۋ ماقساتىندا ق ح ر- دان ۋكرايناعا گۋمانيتارلىق جۇك جەتكىزدى. اتاپ ايتقاندا، جۇك ارقىلى ۋكرايناعا قورعانىس كوستيۋمدەرى، مەديتسينالىق ماسكالار مەن ساقتىققا ارنالعان وزگە دە قۇرالدار تاسىمالداندى.
«SCAT» اۋە كومپانياسى «گۋمانيتارلىق» رەيستەردى ورىنداۋ جۇمىسىن جالعاستىرا بەرەدى»، - دەپ حابارلايدى ەلشىلىكتەن.
