تۇركىستان وبلىسىندا «ساقشى» جوباسى باستالدى
وسى ورايدا، الەۋمەتتىك، كاسىپكەرلىك نىساندار مەن ادام كوپ جينالاتىن قوعامدىق ورىنداردىڭ جۇمىس رەجيمى وزگەرىپ، شەكتەۋ قويىلدى، دەپ حابارلايدى قازاقپارات.
وڭىرلىك كوممۋنيكاتسيالار قىزمەتىنىڭ مالىمەتىنشە، وبلىس ورتالىعى تۇركىستان قالاسىندا «ساقشى» ارنايى جوباسى باستالىپ، رەيد جۇرگىزىلۋدە. تۇركىستان قالالىق پوليتسيا دەپارتامەنتىنىڭ قىزمەتكەرلەرى مەن ولاردىڭ قوعامدىق كومەكشىلەرى قالا اۋماعىندا ءدامحانا، مەيرامحانا مەن دۇكەندەردى ارالادى. قوعامداعى احۋالدى قاتاڭ باقىلاۋعا العان ازاماتتار شارا بارىسىندا قاۋىپسىزدىكتىڭ قاتاڭ ساقتالۋىن، نىساندارعا كىرەر ەسىكتەردە انتيسەپتيكالىق قۇرالداردىڭ بولۋىن تەكسەردى. قوعامدىق كومەكشىلەر توتەنشە جاعداي تالاپتارىن ساقتاۋ جايلى تۇسىندىرمە جۇمىسىن جۇرگىزدى.
الداعى ۋاقىتتا بۇل باعىتتاعى جۇمىستار جالعاسىن تاۋىپ، بارلىق كاسىپكەرلىك نىسانداردىڭ جۇمىس رەجيمى باقىلاۋدا بولادى. اتاپ وتەيىك، ق ر بارلىق اۋماعىندا ەنگىزىلگەن توتەنشە جاعدايعا بايلانىستى تۇركىستان وبلىسىندا قاۋىپسىزدىكتى ساقتاۋ ماقساتىندا بارلىق جەرگىلىكتى اتقارۋشى جانە قۇزىرلى ورگاندار كۇشەيتىلگەن رەجيمدە جۇمىس ىستەپ جاتىر.
توتەنشە جاعداي رەجيمىنىڭ ساقتالۋى بويىنشا ءبىرقاتار شارالار اتقارىلىپ، 13 نىسان يەسى جانە 2 ازامات ۇيىندە توي جاساعانى ءۇشىن جاۋاپقا تارتىلدى. جالپى، وبلىس بويىنشا 300 گە جۋىق ازامات پوليسيا كومەكشىسى بولىپ ەڭبەك ەتۋدە.
