ەلوردا تۇرعىندارى بالكوندا ءان شىرقادى

العاشقى ۆيدەودا قازاقتىڭ ۇلتتىق كيىمىن كيگەن ءانشى حالىق ءانى «بەۋ-ايدايدى» ورىنداعان. كەيىنىرەك بۇل بەينەجازبانى «Highville Park» تۇرعىن ءۇي كەشەنىندە تۇسىرىلگەنى انىقتالدى. بۇعان دەيىن ەلوردا تۇرعىنى كاسىبي مۋزىكانت فەدور سەليانين ءوز بالكونىندا گيتارامەن كونسەرت بەرگەن ەدى.

سونداي-اق، John Legend، «One republic» سىندى الەمدىك جۇلدىزدار #TogetherAtHome ۇرانىمەن Instagram جەلىسى ارقىلى ونەر كورسەتتى.

سول ساتتە ولاردىڭ كونسەرتتەرىن 2,5 ميلليوننان استام ادام قاراعان.

قازاقستاندىق انشىلەر دە #Birgemiz ۇرانىمەن باتىرحان شۇكەنوۆتىڭ ءانىن ورىندادى.

سونىمەن بىرگە، بەلگىلى ءانشى، كومپوزيتور مارات وماروۆتىڭ «كوروناۆيرۋس، كەت، كەت، كەت» اتتى باستاماسىن وزگە جۇلدىزدار قولداپ اكەتتى. كوروناۆيرۋسپەن كۇرەستە ءان ايتىپ، جىگەرلەنۋدى كارانتيندە جاتقان يتاليا تۇرعىندارى باستاعان ەدى.

وسىلايشا، الەمدى الەككە سالعان ىندەتكە قارسى كۇرەستە مويىماۋعا شاقىرادى. سوڭعى تاۋلىكتە يتاليادا اتالمىش دەرتتەن 427 ادام قايتىس بولعان. جالپى بۇل ەلدە كوز جۇمعاندار سانى 3405 كە جەتتى. بۇل قىتايدا قازا تاپقاندار سانىنان 150 ادامعا كوپ. جالپى العاندا، يتاليادا 41 مىڭ ادام ۆيرۋس جۇقتىرعان. سوڭعى 24 ساعات ىشىندە 5322 ادامنان ۆيرۋس تابىلعان. 22-ناۋرىز، ساعات 13:30-داعى جاعداي بويىنشا، قازاقستاندا كوروناۆيرۋس ينفەكسياسىن جۇقتىرعان 57 ادام تىركەلدى. نۇر-سۇلتان قالاسى بويىنشا 31 ادام، الماتى قالاسىندا - 23 ادام، قاراعاندى قالاسىندا - 2، الماتى وبلىسىندا - 1 ادام. نۇر- سۇلتان جانە الماتى قالالارى كارانتينگە جابىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى