التاي كولگىنوۆ: شەتەلدەن كەلگەن جولاۋشىلاردى بىردەن مەدستاتسيونارعا ورنالاستىرامىز

«نۇر-سۇلتان قالاسىندا كارانتين جاريالاندى. 22-ناۋرىز كۇنى ساعات 00:00-دەن باستاپ ەلورداعا كىرىپ-شىعۋعا تىيىم سالىندى. نۇر-سۇلتان قالاسى بويىنشا كوروناۆيرۋستىق ينفەكسيانىڭ تارالۋىنا جول بەرمەۋ جونىندەگى جەدەل شتاب جۇمىس ىستەپ جاتىر»، دەپ جازدى، ەلوردا باسشىسى.

ونىڭ سوزىنشە، شتاب وكىلدەرى قازىرگى تاڭدا مىناداي شارالاردى جۇزەگە اسىرۋدا:

- شەتەلدەن كەلگەن بارلىق جولاۋشىلار بىردەن مەديتسينالىق ستاتسيونارعا ورنالاستىرىلادى. مەديتسينالىق قىزمەتكەرلەر كەلگەن ازاماتتاردى بىردەن ساراپتامادان وتكىزەدى. ساراپتامانىڭ ناتيجەسىندە دەنساۋلىعى قالىپتى بولعان جاعدايدا عانا ازاماتتار قالاعا كىرە الادى. بۇل شارالار تۇرعىندارىمىزدىڭ قاۋىپسىزدىگى ءۇشىن قاجەت. ⠀

- قالاعا ازىق-تۇلىك پەن قاجەتتى تاۋارلاردى تاسىمالداۋعا ەش كەدەرگى جوق. «جاسىل ءدالىز» جۇيەسى جۇمىس ىستەيدى. جۇرگىزۋشىلەر مەن ەكسپەديتورلاردىڭ ماسكالارى، تاۋارعا ىلەسپە قۇجاتتارى، جەكە كۋالىكتەرى، تەحپاسپورت سياقتى قۇجاتتارى بولۋى ءتيىس. قالا اكىمدىگى تىركەۋ ۋاقىتىن قىسقارتۋعا مۇمكىندىك بەرەتىن موبيلدى قوسىمشانى ىسكە قوستى. قوسىمشا پوليتسيا قىزمەتتەرىنىڭ پلانشەتتەرىنە جۇكتەلدى. قوسىمشاعا قالانىڭ تىنىس- تىرشىلىگىن قامتاماسىز ەتەتىن مەكەمەلەردە (ج ە و، كوممۋنالدىق قىزمەتتەر، ت ج د) جۇمىس ىستەيتىن قىزمەتكەرلەردىڭ دەرەكتەرى جۇكتەلدى. قىزمەتكەرلەر جۇمىستان ۇيگە قاتىناي الادى. ⠀

- سانيتارلىق نورمالار كۇشەيتىلدى. دەزينفەكسيا بارلىق الەۋمەتتىك نىسانداردا، ساۋدا ويىن-ساۋىق ورتالىقتارىندا، بازارلاردا، تۇرعىن ءۇي كەشەندەرىنىڭ كىرەبەرىستەرىندە، قوناقۇيلەردە، سونداي-اق ايالدامالاردا، اۆتوبۋستاردا جانە ت. ب. جۇرگىزىلىپ جاتىر. ⠀

- ءدامحانا، مەيرامحانا، تۇنگى كلۋب، كيىم ساتاتىن دۇكەندەر، بالالار وينايتىن الاڭدار، سپورت ورتالىعى سىندى نىساندار جانە ت. ب. جۇمىسىن ۋاقىتشا توقتاتتى. ⠀

«ازاماتتاردى ۇيدەن شىقپاۋعا، بارلىق قاۋىپسىزدىك شارالارىن ساقتاۋعا شاقىرامىز. #Bizbirgemiz»، - دەلىنگەن جازبادا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى