قازاقستاندا مەديتسينالىق ماسكالار وندىرىلە باستادى - باقىت سۇلتانوۆ
«ەلىمىزدە قورعانىش ماسكالارى مەن انتيسەپتيكالىق قۇرالدار ءوندىرىسى اشىلۋدا. ت ج رەجيمىندە جەدەل ارەكەت ەتۋ قاجەت بولعان كەزدە نارىققا كىرۋ دە جىلدام جۇزەگە اسىرىلادى. وتە جەدەل. ءبىزدىڭ تەحنيكالىق رەتتەۋ جانە مەترولوگيا كوميتەتى ۇلتتىق اككرەديتتەۋ ورتالىعىمەن جانە قازاقستان ستاندارتتاۋ ينستيتۋتىمەن بىرلەسىپ قىسقا مەرزىم ىشىندە «قورعانىش ماسكالارى. تەحنيكالىق تالاپتار» ۇلتتىق ستاندارتىن ازىرلەدى.
قاجەتتى سىناقتار وتكىزىلىپ، 1 ميلليون دانادان استام قورعانىش ماسكالارى سەرتيفيكاتتالدى»، - دەپ جازدى مينيستر Facebook-پاراقشاسىندا.
سونداي-اق اتاپ وتىلگەندەي، قازاقستاندا دەزينسەپتيكتەر ءوندىرىسىن جولعا قويۋ جوسپارلانىپ وتىر.
«دەزينفەكتسيا جانە دەزينسەكتسيا قۇرالدارى (تۇرمىستا جانە ەمدەۋ- الدىن الۋ مەكەمەلەرىندە قولدانۋ ءۇشىن) مەملەكەتتىك تىركەۋدى دەنساۋلىق ساقتاۋ مينيسترلىگى جۇزەگە اسىرادى. ساۋدا مينيسترلىگى دەنساۋلىق ساقتاۋ مينيسترلىگىمەن كەلىسىمگە كەلدى.
ول ءۇشىن دەنساۋلىق ساقتاۋ مينيسترلىگى جانىنداعى سانيتارلىق- ەپيدەميولوگيالىق ساراپتاما جانە مونيتورينگ عىلىمي-پراكتيكالىق ورتالىعى جەدەل تارتىپپەن قاجەتتى زەرتحانالىق زەرتتەۋلەر جۇرگىزەدى («بەيبىت» جاعدايدا ءتيىستى 3 اي ەمەس، ءبىر اي ىشىندە). سودان كەيىن دەنساۋلىق ساقتاۋ مينيسترلىگى ءبىر كۇن ىشىندە مەملەكەتتىك تىركەۋ تۋرالى قۇجات بەرۋگە دايىن. ءيا، ءبىر اي - بۇل دا قىسقا مەرزىم ەكەنىن تۇسىنەمىز. ءبىراق زەرتتەۋسىز قاۋىپتى بولۋى مۇمكىن دەزينفەكتسيالاۋ قۇرالدارىن قولدانىسقا جىبەرۋگە دە قۇقىمىز جوق! ءوز قۇجاتتارى مەن ۇلگىلەرىن ساراپتاماعا س ق و- دان تۇرمىستىق حيميا ونىمدەرىن ءوندىرۋ تاجىريبەسى بار «رادۋگا» ج ش س جىبەردى. ولار ەلىمىز ءۇشىن كۇردەلى جاعدايدا انتيسەپتيكتەردى دايىنداۋعا كوشتى»، - دەدى ب. سۇلتانوۆ.
بۇدان بولەك، قازاقستاننىڭ اۆتوحيميا ونىمدەرىن وندىرۋشىلەر مەن تۇتىنۋشىلار قاۋىمداستىعى ءوز ءوندىرىسىن ەلدە سۇرانىسقا يە انتيسەپتيكتەر مەن دەزينفەكتسيالاۋشى قۇرالداردى شىعارۋعا قايتا بەيىندەۋگە دايىن. ولار مۇقتاج ادامدارعا تەگىن جەتكىزۋگە دايىن.
