ءبىرقاتار شەت مەملەكەتتەر قازاقستانعا كومەك بەرەدى – سىرتقى ىستەر مينيسترلىگى

«س ءى م ءوزىنىڭ شەتەلدىك مەكەمەلەرى ارقىلى قازاقستانعا گۋمانيتارلىق كومەك تارتۋ بويىنشا بەلسەندى جۇمىس جۇرگىزۋدە. بۇگىندە كورەيا رەسپۋبليكاسىنان، قىتايدان، جاپونيادان جانە شۆەيتساريادان ءتيىستى كومەك الۋ تۋرالى كەلىسىمگە قول جەتكىزىلدى»، - دەدى ول.

رەسمي وكىلدىڭ ايتۋىنشا، اتالعان ەلدەر مەديتسينالىق ماسكالار، ۆيرۋستىق تەستىلەر، قورعانىش كيىمى، ارنايى جابدىقتار، سونداي- اق قازاقستاندىق دارىگەرلەرگە كونسۋلتاتسيالىق قولداۋ كورسەتەتىن بولادى. مىسالى، كورەيا مەن جاپونيانىڭ ەپيدەميولوگتارى 23-24 - ناۋرىز كۇندەرى ءبىزدىڭ دەنساۋلىق ساقتاۋ مينيسترلىگى ءۇشىن ارنايى بەينە- كەڭەستەر وتكىزۋدى جوسپارلاپ وتىر. ءبىرقاتار ەلدەرمەن، مىسالى يزرايلمەن ەپيدەميولوگيالىق كەڭەس بەرۋ بويىنشا الدىن الا ۋاعدالاستىق بار»، - دەدى ايبەك سمادياروۆ.

سونىمەن قاتار ول ەلىمىزدىڭ سىرتقى ىستەر مينيسترلىگى ءۇش اۋسىممەن جۇمىس ىستەپ جاتقانىن ايتتى. «باسشىلىق قۇرامىندا تۇراقتى توپ جۇمىس ىستەيدى. قالعان قىزمەتكەرلەر بىرنەشە توپقا ءبولىنىپ، كەستەگە سايكەس كەزەك- كەزەك قاشىقتىقتا جۇمىس ىستەۋدە»، - دەدى رەسمي وكىل.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى