ەرلان تۇرعىمبايەۆ پوليتسەيلەردى ماتەريالدىق تۇرعىدا ىنتالاندىرۋدى تاپسىردى
«كوروناۆيرۋس ينفەكسياسىنىڭ تارالۋىنا بايلانىستى ەلىمىزدىڭ ىشكى ىستەر ورگاندارىنىڭ جەكە قۇرامى ەرەكشە جۇمىس رەجيمىنە اۋىستىرىلدى. پوليتسەيلەر، اسكەري قىزمەتشىلەر، ازاماتتىق قورعاۋ قىزمەتكەرلەرى قۇقىقتىق ءتارتىپتى، اسا ماڭىزدى وبەكتىلەر مەن حالىقتىڭ تىنىس- تىرشىلىگىن، كولىكتىڭ جۇمىس ىستەۋىن قامتاماسىز ەتەتىن نىسانداردى قورعاۋ جانە كارانتيندىك شارالار جۇرگىزۋ بويىنشا تاۋلىك بويى قىزمەت اتقارادى»، - دەلىنگەن ق ر ءى ءى م باسپا ءسوز قىزمەتىنىڭ مالىمەتىندە. وسىعان رەتتە ىشكى ىستەر ءمينيسترى ەرلان تۇرعىمبايەۆ توتەنشە جاعداي كەزىندە جۇمىس ىستەپ جاتقان پوليتسەيلەردى كوتەرمەلەۋ تۋرالى شەشىم قابىلداعان.
«ءبىز قىزمەتكەرلەرىمىزدىڭ قايسارلىعى مەن جاۋاپكەرشىلىگىن كورىپ وتىرمىز. ولار بارلىق قازاقستاندىقتار ءۇشىن وسى كۇردەلى كەزەڭدە كۇندىز- ءتۇنى ءوزىنىڭ قىزمەتتىك بورىشىن جانە ەل باسشىلىعى قويعان مىندەتتەردى ورىنداپ كەلەدى. توتەنشە جاعداي رەجيمىن قامتاماسىز ەتۋگە قاتىساتىن قىزمەتكەرلەر ماتەريالدىق تۇرعىدا ىنتالاندىرىلادى. بۇل ماقساتقا ىشكى ىستەر مينيسترلىگى 653 ميلليون تەڭگە ءبولدى»، - دەپ اتاپ ءوتتى ءى ى م باسشىسى.
ايتا كەتەيىك، توتەنشە جاعداي كەزىندە ەلىمىزدە 8 مىڭنان استام پوليتسەي قوعامدىق ءتارتىپتى كۇزەتۋدە.
اۆتور: ايجان سەرىكجان قىزى
