ەلوردادا قوعامدىق ورىندار دەزينفەكسيالانىپ جاتىر

«نۇر- سۇلتان قالاسى دەزينفەكسيالاۋ بويىنشا 7 سەكتورعا بولىنگەن. ءار سەكتوردا دەزينفەكسيا جاسالاتىن نىساندار بار جانە قۇرامىنا 20 ادام ەنگەن توپ جۇمىس ىستەيدى. كۇن سايىن تاڭەرتەڭ جەكە قۇرام، تەحنيكا، دەزينفەكسيا جاسايتىن ەرىتىندى دايىندالىپ، تاپسىرما ورىنداۋعا شىعامىز. مەن ءتورتىنشى سەكتورعا جاۋاپ بەرەمىن. بۇل سەكتوردا ساۋدا- ساتتىق دۇكەندەرى، قالالىق اۋرۋحانالار، اكىمدىك سياقتى قاشىقتان جۇمىس ىستەۋ مۇمكىن ەمەس نىساندار بار. نىساننىڭ ءىشىن دەزينفەكسيالامايمىز، سەبەبى ءبىزدىڭ قولداعى ەرىتىندى نىسان سىرتىن زالالسىزداندىرۋعا ارنالعان» ، - دەيدى ق ر قورعانىس مينيسترلىگىنىڭ №68665 اسكەري ءبولىمى رادياتسيالىق، حيميالىق جانە بيولوگيالىق قورعاۋ قىزمەتىنىڭ باسشىسى دميتري ەفيموۆ.

ونىڭ ايتۋىنشا، ادامدار كوپ جۇرەتىن جەرلەر دەزينفەكسيالانۋدا. «مىسالى، ۇلتتىق عىلىمي مەديتسينالىق ورتالىقتىڭ نەگىزگى كىرە بەرىسىن، ادامدار وتىراتىن جانە كولىكتەر تۇراعىن دەزينفەكسيالاپ جاتىرمىز. بۇگىن وسىلاي جۇمىس ىستەپ جاتقانىمىزعا ەكىنشى كۇن. جۇمىس بارىسى نەشە كۇنگە دەيىن سوزىلاتىنىن بىلمەيمىز. ءبىراق قانشا قاجەت بولسا - سونشا جۇمىس ىستەۋگە دايىنبىز. تولىق ءبىر كۇن جۇمىس ىستەۋ ءۇشىن 6 توننا دەزينفەكسيا جاسايتىن سۇيىقتىق كەتەدى» ، - دەيدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى