نۇر-سۇلتانداعى اۋرۋحانالار مەن ەمحانالار قالاي جۇمىس ىستەيدى

«2020 -جىلدىڭ 15-ناۋرىزىنداعى پرەزيدەنتتىڭ «قازاقستان رەسپۋبليكاسىندا توتەنشە جاعداي ەنگىزۋ تۋرالى» № 285-جارلىعىنا سايكەس، نۇر- سۇلتان قالاسىنداعى بارلىق مەديتسينالىق ۇيىمدارعا كارانتين ەنگىزىلدى. ياعني، اۋرۋحانالاردا ماسكالىق رەجىم ورناپ، كەلۋشىلەرگە تىيىم سالىندى. جەدەل جانە جوسپارلى اۋرۋحاناعا جاتقىزۋ جۇمىستارى جالعاسادى»، - - دەدى باسقارما باسشىسى قالا اكىمدىگىندە وتكەن ونلاين بريفينگىدە. باستاپقى مەديتسينالىق-سانيتارلىق كومەككە كەلسەك، بارلىق ەمحانالار قالىپتى رەجىمدە تاڭعى 8.00 دەن كەشكى 20.00 گە دەيىن دەمالىس پەن مەرەكە كۇندەرى دە جۇمىس ىستەيدى. دارىگەرگە جازىلۋ جالعاسا بەرەدى، ىشتەگى نارەستەنى ۋلترادىبىستىق زەرتتەۋ، كارديوتوكوگرافيا، زەرتحانالىق ساراپتامالار تاپسىرۋ الدىن الا جازىلۋ بويىنشا جوسپارلى تۇردە جۇرگىزىلەدى. جوسپارلى دارىگەرلىك كونسۋلتاتسيالار قاشىقتان رەجىمگە اۋىستىرىلادى. مۇگەدەكتەرگە بەرىلەتىن دارىلەر ۇيلەرىنە دەيىن جەتكىزىلەدى.

بالالاردى ۆاكتسيناتسيالاۋ ەكپە كۇنتىزبەسى جوسپارىنا سايكەس جۇرگىزىلەدى. جۇكتى ايەلدەر جوسپارلى تارتىپتە اۋرۋحاناعا جاتقىزىلادى. امبۋلاتوريالىق- ەمحانالىق ۇيىمداردا شۇعىل مەديتسينالىق جاردەم جۇمىسى كۇشەيتىلدى. بۇعان دەيىن باسقارما باسشىسى نۇر-سۇلتاندا كورناۆيرۋس جۇقتىرعانداردىڭ باسىم بولىگى 30-49 جاس ارالىعىندا ەكەنىن مالىمدەگەن ەدى. قالادا تىركەلگەن بارلىق 25 جاعداي بويىنشا جاقىن بايلانىستا بولعان 244 ادام نۇر-سۇلتان مەن وزگە وڭىرلەردەگى اۋرۋحانالارعا جاتقىزىلدى.

سونىمەن بىرگە، الداعى ەكى اپتادا ەلوردا تۇرعىندارىنا كوروناۆيرۋس ينفەكسياسىنا قاتىستى ەكسپرەسس تەستىلەۋ جۇرگىزىلەدى.

ەسكە سالا كەتسەك، قازاقستاندا ءقازىر كوروناۆيرۋس ينفەكسياسىن جۇقتىرعاندار سانى 49 ادامعا جەتتى. الماتىدا - 22 ادام، قاراعاندى قالاسىندا - 2 ادام، نۇر- سۇلتاندا - 25 ادام تىركەلگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى