كوروناۆيرۋسقا بايلانىستى مەككە مەن مەدينەدەگى قاسيەتتى ورىندار جابىلدى

بۇل تۋرالى بۇگىن ۇلكەن مەشىت پەن پايعامبات مەشىتى ءىسى جونىندەگى باس باسقارمانىڭ وكىلى ءمالىم ەتتى، دەپ حابارلايدى قازاقپارات Al Arabiya پورتالىنا سىلتەمە جاساپ.

«كوروناۆيرۋستىڭ تارالۋىنىڭ الدىن الۋ جانە ەسكەرتۋ شارالارى اياسىندا قاۋىپسىزدىك جانە دەنساۋلىق ساقتاۋ قىزمەتى 20-ناۋرىزدان باستاپ مەككەدەگى ۇلكەن مەشىت پەن مەدينەدەگى پايعامبار مەشىتىنە بارۋعا تىيىم سالدى جانە سىرتقى سارايىندا ناماز وقۋدى توقتاتۋ تۋرالى شەشىم قابىلدادى»، - دەپ حابارلادى باسپا ءسوز قىزمەتىنىڭ وكىلى Twitter- دەگى مالىمدەمەسىندە.

دەنساۋلىق ساقتاۋ مينيسترلىگىنىڭ مالىمەتىنشە، 19-ناۋرىزداعى جاعداي بويىنشا ساۋد ارابياسىندا 274 ادام كوروناۆيرۋس جۇقتىرعان. بەيسەنبى كۇنى كەشكىسىن كورول سالمان يبن ابدۋل-ازيز تەلەارنا ارقىلى مالىمدەمە جاساپ، كوروناۆيرۋسقا قارسى كۇرەستە ۇكىمەتتىڭ بارلىق شارالاردى قابىلداپ جاتقانىن جانە ەلدەگى ءار تۇرعىن مەن ازاماتتى ءدارى-دارمەكپەن، ازىق-تۇلىكپەن جانە كەرەك زاتتارمەن قامتاماسىز ەتۋ ءۇشىن بار كۇشىن سالىپ جاتقانىن ايتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى