اتىراۋ حالىقارالىق اۋەجايىنا حيۋاز دوسپانوۆانىڭ ەسىمى بەرىلدى

«التى مينيسترلىكتەن رۇقسات الدىق. اۋەجايعا قازاقتىڭ باتىر قىزى حيۋاز دوسپانوۆانىڭ ەسىمىن بەرۋ ءۇشىن رەسپۋبليكالىق ونوماستيكالىق كوميسسيا رەسمي شەشىم قابىلدادى»، - دەپ ءمالىم ەتتى وبلىستىق تىلدەردى دامىتۋ باسقارماسى ونوماستيكا ءبولىمىنىڭ باسشىسى جەمىس دياشەۆا.

حيۋاز قايىر قىزى دوسپانوۆا 1922 -جىلى 15-مامىردا اتىراۋ وبلىسىندا دۇنيەگە كەلگەن. ەكىنشى دۇنيەجۇزىلىك سوعىستىڭ ارداگەرى، ۇشقىش، شتۋرمان-اتقىش، حالىق قاھارمانى. 1940 -جىلى ورالداعى №1-ورتا مەكتەبىن ۇزدىك بىتىرگەن. ۇشقىشتىق ءومىر جولىن ورال اەروكلۋبىندا باستاپ، كەيىن سوعىسقا اتتانادى.

حيۋاز دوسپانوۆا سول كەزدىڭ وزىندە تەڭدەسسىز ەرلىگى ءۇشىن «قاناتتى قىز» اتانعان. حيۋاز قىزمەت ەتكەن پولك سولتۇستىك كاۆكاز، كۋبان، قىرىم، ۋكراينا، بەلارۋس، پولشا، گەرمانيا اسپانىنداعى شايقاستارعا قاتىسقان. قازاق قىزى قان مايداندا 300 دەن اسا جاۋىنگەرلىك وپەراتسيا ورىنداپ، اسا ماڭىزدى جاۋ شەبىن تالقاندايدى. 2008 -جىلى 21-مامىردا الماتى قالاسىندا 86 جاسىندا دۇنيەدەن وزدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى