تۇركىستان وبلىسىنىڭ تۇرعىندارىنا الەۋمەتتىك پاكەتتەر تاراتىلۋدا

بۇل الەۋمەتتىك توپتاما تەك اتاۋلى الەۋمەتتىك كومەك الاتىن وتباسىلارداعى 1 جاستان 6 جاستاعى بالالارعا جانە 6 جاستان 18 جاسقا دەيىنگى مەكتەپ جاسىنداعى بالالارعا ارنالعان. كەلەس اۋدانىنىڭ اۋىل جانە اۋىلدىق وكرۋگتەرىنەن اعىمداعى جىلدىڭ 1-توقسانىندا مەملەكەتتىك اتاۋلى الەۋمەتتىك كومەككە ءوتىنىش بەرگەن 3922 وتباسىدان ءوتىنىش تۇسكەن.

بۇل جانۇيالاردىڭ 1 جاستان 6 جاسقا دەيىنگى 6617 بالاسىنا كەپىلدەندىرىلگەن الەۋمەتتىك توپتاماسى مەن حيميالىق تاۋارلار پاكەتى بەرىلىپ جاتىر. سونداي-اق، 6-18 جاس ارالىعىنداعى 6 مىڭنان اسا بالا ىستىق تاماقپەن قامتىلاتىن بولادى. قازىرگى ۋاقىتتا ۇشقىن، الپامىس، جامبىل، بوزاي جانە بىرلەسۋ اۋىلدىق وكرۋگتەرىنە تاراتىلۋدا. سونداي-اق، وزگە اۋىلدىق وكرۋگتەردىڭ بارلىعىنا دا جەتكىزىلمەك.

ايتا كەتەيىك، مەملەكەت باسشىسى قاسىم-جومارت توقايەۆ ءوز جولداۋىندا اشىقتىقتى، ادىلەتتىكتى جانە ەڭبەككە ىنتالاندىرۋدى قامتاماسىز ەتە وتىرىپ، اتاۋلى الەۋمەتتىك كومەك تاعايىنداۋ تەتىگىن تۇزەتۋدى تاپسىرعان بولاتىن.

وسىعان بايلانىستى ۇكىمەت 2020 -جىلدان باستاپ الەۋمەتتىك كومەك كورسەتۋدىڭ جاڭا مەحانيزمدەرىن ەنگىزگەن. كەپىلدەندىرىلگەن الەۋمەتتىك پاكەتتەر بالانىڭ جاسىنا بايلانىستى بەرىلەدى. 6 جاستان 18 جاسقا دەيىنگى بالالار ءۇشىن ىستىق تاماق، مەكتەپ كيىمدەرى مەن وقۋ قۇرالدارىن ساتىپ الۋ، جول ءجۇرۋ شىعىندارىن وتەۋ، سونداي-اق تەگىن مەديتسينالىق قىزمەت كورسەتۋ قاراستىرىلعان.

اۆتور: اينۇر اقبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى