پاۆلوداردا دەزينفەكسيالىق زاتتاردىڭ باعاسىن قىمباتتاتقان قۇقىقبۇزۋشى جاۋاپقا تارتىلدى

بۇل تۋرالى ق ر قارجى مينيسترلىگى قارجى مونيتورينگى كوميتەتىنىڭ باسپا ءسوز قىزمەتى حابارلادى. «2020 -جىلدىڭ 18-ناۋرىزىندا ق ر ق م قارجى مونيتورينگى كوميتەتىنىڭ پاۆلودار وبلىسىنداعى ەكونوميكالىق تەرگەۋ دەپارتامەنتىنىڭ قىزمەتكەرلەرى جەدەل-ىزدەستىرۋ شارالارىن جۇرگىزدى. شارا بارىسىندا تۇرعىندارعا انتيسەپتيكالىق زاتتاردىڭ باعاسىن نەگىزسىز اسىرىپ ساتۋ فاكتىسىنىڭ الدىن الدى»، - دەلىنگەن حابارلامادا.

قۇقىقبۇزۋشىدان جالپى كولەمى 212 ليتر دەزينفەكسيالىق انتيسەپتيك زاتتار تاركىلەندى. ول انتيسەپتيكالىق زاتتاردى ءوندىرۋشى- زاۋىتتان 2500 تەڭگەگە الىپ، تۇرعىندارعا 4000 تەڭگەگە ساتقان. رەسپۋبليكاداعى توتەنشە جاعدايعا وراي، اشىق ساتىلىمداعى ءدارى-دارمەك ءبىر ادامعا 1 ليتردەن اسپايتىن كولەمدە ساتىلادى. قازىرگى ۋاقىتتا تەرگەۋ امالدارى جۇرگىزىلۋدە.

پاۆلودار وبلىسىنداعى ەكونوميكالىق تەرگەۋ دەپارتامەنتى وبلىستىق اكىمشىلىكپەن جانە ءوندىرۋشى زاۋىتتارمەن بىرلەسە وتىرىپ، باستاپقى قاجەتتىلىك تاۋارلارىنىڭ قىلمىستىق الىپ- ساتۋ فاكتىلەرىنىڭ الدىن- الۋ شارالارىن جۇرگىزەدى.

«قۇرمەتتى پاۆلودار وبلىسىنىڭ تۇرعىندارى مەن قوناقتارى! ەگەر مەديتسينالىق ماسكالاردى، قولعاپتاردى، دەزينفەكسيالىق جانە انتيسەپتيكالىق زاتتاردى نەگىزسىز قىمبات باعادا ساتۋ فاكتىلەرىنە كۋا بولساڭىز، ق ر ق م قارجى مونيتورينگى كوميتەتىنە - 87172708478، پاۆلودار وبلىسىنداعى ەكونوميكالىق تەرگەۋ دەپارتامەنتىنە - 87182613305، 87028160181 نەمەسە نۇر-سۇلتان ق.، بەيبىتشىلىك كوشەسى، 10، پاۆلودار ق.، تولستوي كوشەسى، 98-مەكەنجايلارىنا جۇگىنۋىڭىزدى سۇرايمىز»، - دەپ مالىمدەدى كوميتەت.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى