اتىراۋعا ليتۆادان كەلگەن ازامات كارانتيننەن قاشىپ كەتكەن
«اتىراۋ قالالىق مامانداندىرىلعان اكىمشىلىك سوتىندا ق ر اكىمشىلىك قۇقىق بۇزۋشىلىق تۋرالى كودەكستىڭ 476-بابى 6-تارماعىن بۇزعان ازاماتتىڭ ءىسى قارالدى. ليتۆادان كەلگەن قازاقستان رەسپۋبليكاسىنىڭ ازاماتى توتەنشە جاعدايدىڭ جاريالانۋىنا بايلانىستى مەملەكەتتىك ورگانمەن بەلگىلەنگەن كارانتين رەجيمىن بۇزعان. ول بيىلعى 18 -ناۋرىزدا تۇنگى ساعات 03.00 شاماسىندا اتىراۋ وبلىستىق تۋبەركۋلەزگە قارسى ديسپانسەردىڭ ەكىنشى قاباتىندا ورنالاسقان پالاتا تەرەزەسىنەن سەكىرىپ، قاشىپ كەتكەن. قۇقىق بۇزۋشى س. ديسپانسەردىڭ پالاتاسىنان سوت وتىرىسىنا «TrueConf» قوسىمشاسى ارقىلى قاتىستى. ول كىناسىن مويىندا» ، - دەدى وبلىستىق سوتتىڭ باسپا ءسوز قىزمەتىنەن.
سوت قاۋلىسىمەن وعان ەسكەرتۋ تۇرىندەگى جازا قولدانىلدى. قازىر ول اتىراۋ وبلىستىق تۋبەركۋلەزگە قارسى ديسپانسەردە دارىگەرلەردىڭ ستاتسيونارلىق باقىلاۋىندا.
