نۇر- سۇلتاندا كوروناۆيرۋس جۇقتىرعاندارمەن بايلانىستا بولعانداردىڭ بارلىعى انىقتالدى
بۇل تۋرالى قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ايتتى، دەپ حابارلايدى قازاقپارات ءتىلشىسى.
«نۇر- سۇلتاندا كوروناۆيرۋس جۇقتىرعاندارمەن جاقىن بايلانىستا بولعان ادامداردى، ياعني وتباسى مۇشەلەرىن جانە ۇشاق بورتىندا ەكى ورىندىق بويىنشا قاشىقتىقتا بولعانداردى انىقتاۋ جۇمىسى اياقتالدى. قازىرگە دەيىن نۇر- سۇلتان قالاسىنىڭ ستاتسيونارلارىنا 138 ادام اۋرۋحاناعا جاتقىزىلدى. ەلوردادان شىعىپ كەتكەندەر وڭىرلەردەگى اۋرۋحانالار مەن ينفەكتسيالىق ستاتسيونارلارعا جاتقىزىلدى»، - دەدى باسقارما باسشىسى ونلاين فورماتتا وتكەن باسپا ءسوز ءماسليحاتىندا.
ساۋلە قيسىقوۆا سونىمەن قاتار 323 ادام ءۇي كارانتينىنە جاتقىزىلعانىن جەتكىزدى.
«بۇگىنگى كۇنى كوروناۆيرۋس ينفەكسيالىق جۇقتىرۋدىڭ تاعى جەتى جاعدايى تىركەلدى. بۇل - بۇرىن كوروناۆيرۋس انىقتالعان ادامدارمەن بايلانىستا بولعان ادامدار. ولار بىردەن ءۇي كارانتينىنە وقشاۋلانىپ، ولارمەن لابوروتوريالىق زەرتتەۋ جۇرگىزىلدى»، - دەدى ول.
ەسكە سالا كەتسەك بۇعان دەيىن ساۋلە قيسىقوۆا ەلوردادا كوروناۆيرۋس جۇقتىرعانداردىڭ جاعدايى تۋرالى ايتىپ بەرگەن بولاتىن.
اۆتور: ايان بەكەن ۇلى
