ينفەكسيا وشاقتارى تۋرالى الماتىدا تاراعان اقپارات جالعان – اكىمدىك
بۇل تۋرالى قالا اكىمىنىڭ باسپا ءسوز قىزمەتىنەن مالىمدەدى، دەپ حابارلايدى قازاقپارات ءتىلشىسى. اتاپ ايتساق، تاراپ جاتقان اقپاراتتا ىندەت تىركەلگەن قاۋىپتى ايماقتاردىڭ ءتىزىمى كورسەتىلگەن. ولاردىڭ ىشىندە باعاناشىل شاعىن اۋدانى، گوگول- سەيفۋللين، گوگول- قونايەۆ كوشەلەرى، «سۇڭقار» تۇرعىن ءۇي كەشەنى، «التاي 1» شاعىن اۋدانى كورسەتىلگەن. سونداي- اق «ۆيرۋس جۇقتىرعانداردىڭ مەكەنجايلارى» دەپ 12 ءۇيدىڭ ءتىزىمى بەرىلگەن. قالا اكىمىنىڭ باسپا ءسوز قىزمەتىنىڭ باسشىسى اسەت مۇقاجانوۆ بۇل اقپاراتتىڭ بارلىعى جالعان ەكەندىگىن ءمالىم ەتتى.
اۆتور: گۇلميرا عوسمانالي
