ەلورداداعى قوناق ءۇيدىڭ ءبىرى اۋرۋحانا بولادى - باحتيار ماكەن

بۇل تۋرالى ورتالىق كوممۋنيكاتسيالار قىزمەتىنىڭ الاڭىندا وتكەن بريفينگىدە نۇر-سۇلتان قالاسى اكىمىنىڭ ورىنباسارى باحتيار ماكەن ايتتى، دەپ حابارلايدى قازاقپارات ءتىلشىسى.

«س» جوسپارى توتەنشە جاعداي كومەندانتتىق ساعاتقا اۋىسقان كەزدە، اتالعان ۆيرۋس جاپپاي تارالعان كەزدە جۇزەگە اسادى. ەكىنشىدەن، مۇنداي جاعدايدا ءبىز كارانتين ءۇشىن توسەك-ورىنمەن بارىنشا كوپ قامتاماسىز ەتۋىمىز كەرەك»، - دەيدى نۇر-سۇلتان قالاسى اكىمىنىڭ ورىنباسارى باحتيار ماكەن.

ول «س» جوسپارى ورىن العان جاعدايدا ەلورداداعى Ramada Plaza قوناق ءۇيى كوروناۆيرۋس جۇقتىرعان ادامدار ءۇشىن اۋرۋحاناعا قاجەتتى قۇرىلعىلارمەن جابدىقتالادى.

«بۇگىن اكىمدىكتە ناۋقاستار جاتاتىن قوسىمشا توسەك-ورىنمەن قامتاماسىز ەتۋ شارالارى قابىلداندى. قازىرگى ۋاقىتتا Ramada Plaza قوناق ءۇيىن ناۋقاستاردى قابىلداپ، كارانتين رەجىمىن ساقتاۋ ءۇشىن دايىنداپ جاتىرمىز. نىسان جاقىن ارادا دايىن بولادى. باسقا دا نىساندار «س» جوسپارى اياسىندا جۇزەگە اساتىن جۇمىستارعا دايىن. ولارمەن دە كەلىسسوزدەر جۇرگىزىلىپ جاتىر»، - دەيدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى