اقمولا وبلىسىندا قولعا ارنالعان انتيسەپتيك شىعارىلا باستادى

ۆەدومستۆونىڭ مالىمەتىنشە، كوكشەتاۋ قالاسىنداعى «تۇرمىستىق حيميا زاۋىتى» جاۋاپكەرشىلىگى سەرىكتەستىگىنىڭ ەكولوگيالىق تازا ونىمىنە جۇرتتىڭ سۇرانىسى جوعارى. زاۋىتتا قازاقستاننىڭ سولتۇستىك وڭىرلەرىنە تۇرمىستىق حيميالىق زاتتارىنىڭ بىرنەشە ءتۇرى شىعارىلادى. ەلىمىزدە كوروناۆيرۋس پادەمياسىنا قاتىستى كۇردەلەنگەن جاعدايعا بايلانىستى جەرگىلىكتى زاۋىت قولعا ارنالعان انتيسەپتيك شىعارا باستادى.

«ءبىزدىڭ زاۋىت قىسقا مەرزىم ىشىندە باكتەرياعا قارسى جانە قولعا ارنالعان انتيسەپتيك شىعارۋعا بەيىمدەلىپ، ءوندىرىستى ىسكە قوستى. قازىرگى كەزدە، «ەسىل» الەۋمەتتىك كاسىپكەرلىك كورپوراتسياسى ۇ ك» ا ق باسقارماسىمەن 15 مىڭ ليتر انتيسەپتيكالىق ونىمگە كەلىسىم-شارت جاسادىق. ءوندىرىس تولىق قۋاتىمەن جۇمىس ىستەۋدە»، - دەيدى زاۋىت باسشىسى فارۋك قۇرمايەۆ.

كاسىپورىن باسشىسىنىڭ ايتۋىنشا، قولعا ارنالعان انتيسەپتيكتىڭ قۇرامىندا دەزينفەكتسيا جاسايتىن كونتسەنترات، جەرگىلىكتى ايدابول ءسپيرتى، گليتسەرون، يىستەندىرگىش جانە سپەتسيفيكالىق قوسپا بار. كاسىپورىن ايىنا 60 مىڭ ليتر ءونىم شىعارادى. 1, 5 ليتر جانە 220 ميلليليترلىك قۇتىعا قۇيىلعان انتيسەپتيكتىڭ ءبىر ليترى 1500 تەڭگە تۇرادى. بۇل وڭىردەگى ەڭ ارزان قولعا ارنالعان انتيسەپتيك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى