كوروناۆيرۋس: ناۋقاستاردى ەمدەپ جاتقان دارىگەرلەر ۇيلەرىنە بارمايدى

«كوروناۆيرۋس جۇقتىرعان ەلورداداعى 18 ادام دا قازاقستان ازاماتتارى. ەڭ كىشىسى - 14 جاستا، ەكى ادامنىڭ جاسى 59-دا. جالپى، ۆيرۋس جۇقتىرعانداردىڭ 70 پايىزى 30 بەن 49 جاس ارالىعىنداعى ازاماتتار. بارلىعىنىڭ جاعدايى جاقسى، دەنە قىزۋلارى قالىپتى. قاجەتتى ەمدەۋ شارالارى جاسالىپ، مەديتسينالىق كومەك كورسەتىلىپ جاتىر»، - دەدى ول ب ا ق وكىلدەرىنىڭ ساۋالىنا وراي.

سونىمەن قاتار باسقارما باسشىسى كوروناۆيرۋس جۇقتىرعان ادامداردى ەمدەپ جاتقان مەديتسينا قىزمەتكەرلەرى ۇيلەرىنە بارمايتىندىعىن اتاپ ءوتتى. «ينفەكسيا انىقتالعان اۋرۋلار جاتقان مەكەمەدەگى 60-تان استام دارىگەر مەن مەيىربيكەلەر سول جەردەن شىقپايدى. عيماراتتىڭ ءبىر بولىگىندە ولارعا جاعداي جاسالعان. جۇمىس ۋاقىتى بىتكەن سوڭ سول جەردە دەمالىپ، تاماقتانادى. سودان كەيىن كەلەسى اۋىسىمعا جۇمىسقا تۇسەدى. بۇل ىندەتكە بايلانىستى قولعا العان شارامىز»، - دەدى ساۋلە قيسىقوۆا.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى